DILI, 16 Jullu 2025 — Ministru Juventude, Desportu, Arte no Kultura (MJDAK), Nelyo Isaac Sarmento, hamutuk ho Sekretáriu Estadu Arte no Kultura (SEAK), Jorge Soares Cristovão, kontinua observa ensaiu dansa kolosál hodi prepara ba serimónia abertura XII Jogos Desportivos CPLP 2025 iha Estádio Munisipál Dili.

Fokus ba Eletrisidade no Performanse

Iha ninia observasaun, Ministru Sarmento fó atensaun espesiál ba Eletrisidade de Timor-Leste, E.P. (EDTL, E.P.), ne'ebé lidera husi Komisáriu Servisu Korporativu, Júlio Gonçalves. Ministru husu ba ekipa EDTL atu asegura katak ahi lakan nafatin durante oras 24 no labele mate, atu nune'e labele prejudika eventu internasionál ne'e.

Ministru Sarmento mós fó hanoin ba treinadór dansa kolosál, Mito Freitas, atu prepara ho didi'ak, no hasees dúvida ruma hosi estudante sira molok sira halo aprezentasaun iha loron abertura nian.

Ministru no Sekretáriu Estadu hetan akompañamentu husi Xefe Gabinete MJDAK, Xefe Gabinete SEAK, Diretór-Jerál Desportu, Diretór-Jerál SEAK, Diretór Nasionál Patrimóniu Kultura Kontemporánea, no reprezentante F-FDTL.

#MídiaMJDAK