PM XANANA GUSMÃO IHA SEMITÉRIU, APELU BA JUVENTUDE: UZA LEGADU ESTRATÉJIKU HODI HARI'I RAI-NE'E

Dili, Timor-Leste – Iha loron 12 Novembru tinan 2025 ne'e, rai-Timor hamriik fali iha kruzamentu istória nian. Ne'e la'ós de'it loron atu hanoin-hikas, maibé atu rona fali husi pasadu.

Missa iha Motael Prezide husi Rev. Nelson Martins, Marsa dignu ba Santa Cruz – momentu hirak ne'e sai hanesan pájina ida husi Livru Luta nian. Maibé, Prezensa S.E. Primeiru Ministru, Kay Rala Xanana Gusmão, iha Semitériu Santa Cruz, fó asinatura hodi remata pájina ne'e no fó sinál ba kapitulu foun.

PM Xanana Gusmão nia Prezensa iha simiteriu ne'e, nu'udar mandatu emosionál ida ba nasaun.

Oinsá mak ran ne'ebé fakar iha 1991 bele fó benefísiu ba ohin loron?

PM nia Prezensa simbóliku ne'e nu'udar rekoñesimentu katak: "Ami, Lideransa, simu Pás ne'ebé imi sosa, agora imi, Juventude ohin loron, simu knaar dezenvolvimentu nian."

Portavós Governu nian, Ministru Agio Pereira, fó klaresimentu, hodi subliña:

"Ita fó omenajen ba sira ne’ebé luta ho fiar no korajen... maibé joven sira-nia papél desizivu [agora] iha konsolidasaun no dezenvolvimentu nasionál..."

Luta foun agora la'ós hasoru forsa esterna, maibé hasoru dezafiu sosiál ho korajen atu estuda no servisu.

Legadu Santa Cruz ne'e la para iha Dili. Nia nakle'u to'o iha fatin LNJ tinan ne'e nian, Aileu, no agora hakat ba iha Manatutu.

Apelu PR Horta (Aileu): Wainhira PR Ramos Horta apela ba Juventude atu estuda maka'as, nia fó Estratéjia: Estuda ne'e nu'udar preparasaun ba oportunidade reál ne'ebé atu mosu (hanesan Estaleiru Navál Japaun iha Manatutu ne'ebé sei fó kampu servisu ba 4.000 ema).

MJDAK nia Dezafiu: Ministru MJDAK nia esforsu atu lori Tais Históriku ba Venice Biennale uza Memória (hanesan Tais ne'ebé liga ho Komité 12 Novembru) hodi halo diplomásia Estratéjiku.

PM Xanana Gusmão nia Prezensa iha Semitériu Santa Cruz ne'e nu'udar pontu finál ba pasadu. Maibé, nia apelu no vizaun Estratéjiku ne'ebé hatudu hosi Governu nu'udar pontu hahú ba futuru.

Legadu Asuwa'in sira-nian mak kbiit ne'ebé fó forsa ba Juventude Timor-Leste atu sai protagonista ba dezenvolvimentu nasionál.

Ha’u Ema Timor-Oan, Orgullu ho Há’u Nia Nasaun

#MídiaMJDAK