DILI, 20 Juilu 2026, GKI--Ministru Juventude Desportu Arte no Kultura, Nelio Isaac Sarmento (NIS)  informa, formatu prinsementu Orsamentu Jeral Estadu (OJE) ba tinan 2027 diferente ho OJE tinan 2026 nian. “Ijemplu, programa ne’ebe implementa ona iha OJE 2026 nian, labele aloka tan orsamentu iha OJE 2027 nian,”  NIS esplika iha sorumutu hamutuk ho ekipa funsional MJDAK hodi prepara kondisoens ba OJE 2027 nian, Segunda (20/7).

Tuir NIS, objetivu sorumutu ne’e mak kargus dirasaun jeral hat (4) iha MJDAK halo diskusaun klean konaba formula OJE 2027 nian hodi intende konaba lalaok priensementu tuir programas no atividadaes.

“Ohin, ita iha enkontru importante ida tanba prepara kondisoens ba ita nia orsamentus tinan 2027,  ita iha formula diferente ho tinan hira ba kotuk. Tinan ida ne’e ( 2027), lais liu ita hatene hodi ita bele prepara. Maibé komplesidade oituan ba ministérius idak-idak atu prepara nia orsamentu no iha posibilidade atu halo mudansas ba programa no planu sira bazeia ba montante orsamentu ne’ebé fo mai ita no laiha razoens atu husu aumentu orsamentu tanba ita mantein nafatin ho programa ne’ebé planeadu ona tuir PAA 2026 nian,”  tenik Eis Sekretariu Estadu SEKOM ne’e.

Ministru MJDAK, rekunese, pakote OJE 2027 ba MJDAK  iha problemas rua ne’ebé prepsiza solusiona mak kategoria  salariu   no  kapital dezenvolvimentu, hodi  bele rezolve no hadi’ak hodi aselera prosesu infraestrutura sira ne’ebé planeiadu. Orsamentu kategoria beins servisu no transpeensia publika, tuir NIS, mantein tuir OJE 2026 nian.

Tuir Diretur Nasional Planeamentu no Koperasaun Intituisional, Ananias Pinto, total OJE ba MJDAK hamutuk 2027, USD 11,044,707.00.

Tanba ne’e, NIS  husu diretór jerias, diretur nasionais no  kargu Xefia sira tenki buka hatene atu gastus orsamentus ho kuidadu no oinsá buka diskute ho ministérius relevantes sira karik halo mudansa ba programas. Nune’e, NIS hatutan,  bele atinje loloos tuir tarjetus, liu husi  avaliasaun  ba organizasoens  sira ne’ebé governu apoiu ne’ebe  gastus orsamentu estadu ho responsabilidade no tuir programa governu nian.  

Partisipa iha sorumutu ne’e, Sekretariu Estadu Arte no Kultura, Jorge Soares Cristovão, diretur jerais, diretur nasionais, xefi departementus no asesor sira. Atividade ne’e hala’o iha Salaun Magna MJDAK,Lecidere, Dili, Timor-Leste.  

#MédiaMjdak