MALIANA,  27 Juilu 2026, GKI---Membrus Uniao Nacional dos Escuteiros de Timor Leste (UNE-TL)  nain 501, tuir interkambiu (Jambore) iha Eskola Sekundaria Tekniku Vokasional Agrikola Publiku, Moleana, Suku Ritabou,  Postu Maliana, Munisipiu Bobonaro. Objetivu interkabiu ne’e mak membrus UNE-TL nain 501,  aprende  konaba natureza no transforma an ho kreatividade.  

Prezidenti Uniao Nacional dos Escuteiros de Timor Leste (UNE-TL), Mariano ASSANAMI Sabino halo abertura ba atividade Jambore (interkambiu) ne’ebe realiza iha Eskola Sekundariu Tekniku Vokasional Agrikola Publiku, Moleana, Segunda (27.7).    

Tuir Mariano ASSANAMI Sabino,  Jamboree laos deit akampanyamentu, maibe oportunidade  atu dezenvolve lideransa, servisu hamutuk, responsabilidade no hamoris esperitu voluntariu.

"Oan no alin sira,  imi ne'ebe mak iha Escuteiro, importante tebes. Ohin, imi iha fatin ida ne'e durante semana ida,   iha tenda nia okos,  atu refleta oinsa imi bele sai maduru no forte ba oin.  Ita nia rai, ita sosa ho trezentos mil pessoas nia mate mak ita hetan ukun rasik an, liu husi sofremento ho sakrifisiu Guereleirus  ne'ebe mak todan.  Tamba ne'e, imi laos  deit sai matenek maibe imi tenke lao nafatin no hakat nafatin, atu asuwain sira kontente simu  fatin ne'ebe imi hela, ho susar no terus, imi kesi amizade ba malu, tulun malu, ajuda malu hodi apoiu ida ne'ebe foun no tenke fo dalan.  Tamba ita nia luta naruk hetan apoiu husi ema barak,” ASSANAMI apela ba membrus UNE-TL sira.

Xefe Komisaun Organizadora, Onivio Adão Goncalves iha nia  diskursu, hato'o agradese ba parte sira ne'ebe fo apoiu no kolabora diak ho Komisaun Organizadora durante perparasaun hodi  realiza atividade Jambore Munisípiu Bobonaro ba dahuluk ho nia tema Aprende ho Natureza no Transforma ho Kreatividade.

"Aprende ho natureza katak, oinsa ita atu perpara alin sira atu kuidadu no hadomi ambiente nomos balada sira, ho esperitu Fundador Baden Powell nian. Ami bele esforsu hodi halo preparasaun maske ho dezafius barak, maibe la hamate ami nia esperitu voluntariu atu bele perpara karakter no mentalidade ne'ebe  diak ba   foinsae sira,” relata xefi komisaun organizadora, Onivio Adão Goncalves.

Membrus UNE-TL nain 501 ne’e mai husi Munisiupiu 8 mak  Aileu, Bobonaru, Dili, Likisa, Lautem, Manatutu, Manufahi no Viqueque. Nuentantu, membrus UNE-TL husi Munisipiu  Ainaru, Baucau, Covalima, RAEOA no Atauro mak la partisipa atividade Jambore 2026, iha Bobonaru, tanba failansu teknika.

 Atividadedes UNE-TL durante tinan 2026, hetan apoiu finanseiru husi Ministeriu Juventude Desportu Arte no Kultura (MJDAK) hamutuk dola amerikanu rihun tolu nulu (USD 30,000.00).

Atividade Jambore ne’e, hau lao iha loron 27 Juilu no ramata iha loron 1 Agostu 2026 Diretur Jeral Juventude MJDAK, Mario Tilman partisipa iha seremonia abertura jamboree ne’e, hamutuk Autoridade Lokal Munisipiu Bobonaru, inklui PNTL, F-FDTL, Bombeiro nomos APC Munisipiu Bobonaru nian.  #MediaMjdak