DILI, 24 Jullu 2025 – Sua Exelénsia Primeiru-Ministru, Kay Rala Xanana Gusmão, kontinua hatudu apoiu boot ba realiza hodi hametin espíritu desportivu iha XII Jogos Desportivos da Komunidade ba País Lian Portugés (CPLP) 2025. Ohin, S.E. Primeiru-Ministru asiste diretamente jogu futebol kategoria Sub-16 entre Timor-Leste no Angola iha Estadiu Munisipál Dili.

Prezensa Xefe Governu nian iha eventu desportivu importante ida ne'e hanesan sasin ba kompromisu Governu nian atu dezenvolve desportu iha rai laran no hametin ligasaun ho nasaun membru CPLP nian.

Rezultadu Jogu no Espíritu Luta

Maski Ekipa Nasionál Timor-Leste nian halo esforsu boot iha kampu laran no hatudu dedikasaun másimu, jogu remata ho vitória ba Angola ho rezultadu finál 3-1.

Maski lakon, ekipa Timor-Leste nian merese duni elojiu tanba hatudu espíritu luta ne'ebé forte no dignidade iha kompetisaun.

MJDAK no Komisaun Organizadora hato'o parabéns ba Angola ba sira-nia vitória, no agradese ba Timor-Leste nia dedikasaun. Mai ita kontinua selebra desportu, amizade, no uniaun iha CPLP.

#MídiaMJDAK