Dili, 19 Novembru 2025 – Parlamentu Nasionál (PN), liuhusi Reuniau Plenária Extraordinária iha loron 19 fulan-Novembru tinan 2025, kontinua hala’o diskusaun no aprovasaun iha espesialidade ba Proposta Lei nú 23/VI (3ª) - Orsamentu Jerál Estadu (OJE) ba tinan 2026.

Iha diskusaun ne'e, orsamentu ba Ministériu Juventude, Desporto, Arte no Kultura (MJDAC) hetan aprovasaun signifikativu.

Orsamentu inisiál ba MJDAC nian mak $11,308,436 (miliaun $11.3). Maibé, liuhusi diskusaun no votasaun, PN aprova proposta alterasaun rua (2) hodi adita montante $550,000 (atus lima-nulu rihun) adisionál.

Orsamentu Aprovadu Finál: $11,858,436 (miliaun $11.8)

Votasaun: A favor 42, Kontra 1, Abstensaun 22.

Aprovasaun alterasaun ne'e hatudu kompromisu Estadu nian atu reforsa setór Juventude, Desportu, Arte no Kultura.

OJE 2026 MJDAC FOKA BA PROGRAMA

MJDAC sei implementa orsamentu $11.8 Miliaun ne'e hodi foka ba área krítiku sira tuir estrutura orsamentál ne'ebé tuir mai.

Sesaun Plenária ne’e prezide husi Prezidente Parlamentu Nasionál, Sra. Maria Fernanda Lay, akompaña husi Membru Meza sira. Hetan mós Prezensa husi Primeiru-Ministru, Sua Ex.cia Kay Rala Xanana Gusmão, hamutuk ho Membru Governu sira ne'ebé akompaña debate orsamentál ba loron dalima ne'e.

Diskusaun ba OJE 2026 sei kontinua iha loron 20 fulan-Novembru tinan 2025, hodi diskute orsamentu órgaun soberanu seluk nian.

#MídiaMJDAK