DÍLI, 05 Fevereiru 2026 — Ministru Juventude, Desportu, Arte no Kultura, S.E. Nelyo Isaac Sarmento, sai konvidadu dahuluk iha tinan 2026 ba programa televizaun “Página do Governo”, programa ida ne’ebé halo espasu atu informa públiku kona-ba polítika no prioridade Governu nian.

Durante entrevista ne’e, Ministru Nelyo Isaac Sarmento esplika ho detallu kona-ba planu prioridade Ministériu ba tinan 2026, liuliu iha área juventude no desportu, ho ênfase ba kria oportunidade ba foin-sa’e sira hodi dezenvolve kapasidade, lideransa no partisipasaun ativa iha dezenvolvimentu nasionál.

Iha setór arte no kultura, Ministru mos partilla progresu no dezafiu sira ne’ebé enfrenta, inklui esforsu atu promove identidade kultural Timor-Leste no valoriza patrimóniu nasionál iha nivel nasional no internasionál.

Aleinde ne’e, entrevista foka mos ba oinsá polítika Governu nian iha área juventude, desportu, arte no kultura bele fó impaktu diretu ba moris povu, liuhosi promosaun empregu, formasaun no fortalese koesaun sosiál.

Programa “Página do Governo” sai plataforma importante atu hatudu transparénsia no presta konta ba sosiedade kona-ba implementasaun polítika públika.

#MídiaMJDAK