BAUKAU, 12 Setembru 2026, GKI---Ministru Juventude Desportu Arte no Kultura, Nelyo Isaac Sarmento (NIS) apela, liu husi jogus boxing, bele halibur foinsae Timor-oan moris hamutuk ho unidus. Tanba atividades desportu laos lori hanoin diferensia maibe lori ita hamutuk nudar timor-oan.  

 Apelu NIS ne’e,  iha ambitu abertura "Revolta  Municipal Boxing Battle" iha Ginaziu Munisipiu Baucau, Sesta (09/9). "Revolta Boxing Munisipal Battle ne'e hahú ho Musipiu Baucau vs Covalima ne'ebé rezultadu uma nain mak manan ho skor 9-1.

Nelyo Isaac Sarmento, konsidera,  asiste eventu  jogus boxing ne'e hodi diverta, tanba desportu la lori ita atu halo diferensa, desportu lori ita hamutuk nudar timor oan hodi nune'e ba joven sira hotu ohin ita mai asiste boxing laos ita mai deit fo apaoiu se mak manan ka lako.  Maibe tuir NIS, ita hakarak hare  se mak joga ho skiil diak tanba bainhira sira joga diak ita fo koranjen atu sai atleta ne'ebé diak ba oin husi sira ne'ebé ohin kompete kalan ida ne'e, sira bele reprezenta munisipiu ba jogo iha nasional husi munisipiu ita bele hetan atleta diak.

Nelyo  agradese ba revolta ho ekipa tomak ne'ebé iha inisiativa atu halo aktividade ida ne'e, atu hatete deit katak kompetisaun boxing munisipiu ita hahu iha Baucau maibe depois sei akontese iha munisipiu sira seluk tan.

“Atleta Baucau sira, ohin, imi uma nain ita hotu apoiu ba atleta sira hotu manan ka lakon laos problema ba ita. Maibe mantein nafatin jogu esportif manan lakon maun alin nafatin.  Ita hotu defende buat ida deit katak ita mesak timoroan hotu hodi kontribui ba dezenvolvimentu nasional liu husi buat ne'ebé ita bele oferese ba ita nia nasuan mak atividades desportu. Joven sira se imi iha talentu ba desportu fo imi nia kontribuisaun hodi dezenvolve ita nia rai,”  NIS apela tan.

Ministru JDAK, husu  joven sira liuliu ba atleta hotu prepara imi nia aan ho diak, tanba iha fulan Novembru 2026,  sei iha kompetisaun boxing boot ne’ebe jogus entre boxistas  munisipius ho munisipius, inklui  modalidade desportu  lubuk ida ne'ebe ita sei kompete iha nasional ho naran Festival Nasional Desportu (FND) Timor-Leste nian. #MediaMjdak#.