DILI, 30 Setembru 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, ohin prezide reuniaun Konsellu Nasionál Dezenvolvimentu Juventude (KNDJ) iha Salaun Magna MJDAK.

Reuniaun KNDJ ne’e hanesan pltaforma importante ida ne’ebé foka ba diskusaun no aprovsaun kona-ba dezenvolvimentu estratéjiku ba foin-sa’e sira, liuliu: 

1. Planu Asaun Nasionál Juventude (PANJ)
2. Planu Asaun Anual (PAA) 2026

Asuntu Juventude Nu'udar Responsabilidade Liñas Ministeriál Hotu

Iha ninia diskursu nu'udar Prezidente KNDJ, Ministru Nelyo Isaac Sarmento subliña katak asuntu dezenvolvimentu juventude ne'e la'ós responsabilidade MJDAK nian de'it, maibé responsabilidade liñas ministeriál hotu nian.

Ministru hateten katak presiza iha servisu hamutuk no konsisténsia hodi dezenvolve joven sira, tanba maioria populasaun Timor-Leste mak juventude produtivu.

"Presiza diskute hamutuk programa sira atu bele dezenvolve joven sira tuir tarjetu liu husi koordenasaun servisu ne'ebé di'ak," Ministru hatutan.

Reuniaun ne'e partisipa ativamente husi membru KNDJ ne’ebé mai husi liñas ministeriál sira hanesan Ministériu Edukasaun (ME), Ministériu Saúde (MS), Ministériu Interior (MI), Ministériu Agrikultura (MA), Ministériu Komérsiu no Indústria (MCI), Ministériu Dezenvolvimentu Rurál no Habitasiaun Komunitária (MDRHC), Ministériu Asuntu Parlamentár no Komunikasaun Sosiál (MAPPF), Sekretaria Estadu Igualdade (SEI), Sekretaria Estadu Kooperativa (Sekoop), Ajénsia Dezenvolvimentu Timor-Leste (ADTL), no Konsellu Nasionál Juventude Timor-Leste (CNJTL).

#MídiaMJDAK