DÍLI, 18 JUÑU 2026 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, ohin loron abertura workshop kona-ba dezenvolvimentu desportu ba reforsa integrasaun Timor-Leste iha ASEAN, ne'ebé realiza iha Salaun Otel Luz Clarita, Dili.

Iha okaziaun ne'e, Ministru Nelyo Isaac Sarmento partilla informasaun kona-ba asuntu desportu nian, tanba Timor-Leste agora dadaun sai ona membru permanente organizasaun ASEAN no mós lases husi politika desportu ASEAN nian. Nia subliña katak komunidade desportiva iha responsabilidade boot ba atividade desportu iha rai-laran, no tenke konsistente hodi tau atensaun ba dezenvolvimentu modalidade sira ne'ebé presiza iha Timor-Leste.

Ministru Nelyo fó atensaun ba modalidade lima prinsipál: atletizmu, futebol, taekwondo, boxe, no karate-do, ne'ebé konsidera hanesan prioridade ba dezenvolvimentu desportu nasionál.

Ministru Nelyo hatete katak Timor-Leste nu'udar nasaun ki'ik ho populasaun oituan no infraestrutura mínimu, dala ruma ita hakarak desportu boot iha ita-nia rain, maibé ita-nia hanoin la kondis ho situasaun. Nia husu ba partisipante sira atu hare uluk asuntu ki'ik ne'ebé bele hadi'a, duke foka de'it ba asuntu boot ne'ebé difisil atu hetan.

Nia mós fo atensaun katak federasaun sira ne'ebé hari'i derpenti de'it, maibé nunka iha avansu ruma. Instituisaun sira ne'e la merese atu produs atleta, tanba profesores sira ne'ebé hari'i desportu sira ne'e limitadu tebes. Depois mak ita hakarak hamosu atleta nasionál no internasionál.

"Aliende ne'e, MJDAK hare katak ida ne'e la hamosu atleta foun. Situasaun difisil tebes hodi bele kompete no hatudu prestasaun diak iha kompetisaun profisionál sira iha nivel internasionál," dehan Ministru.

Ministru Nelyo destaka katak eskola sira kuaze laiha estudu desportu no prátika desportu ba modalidade hotu-hotu. Maski labarik sira husi pré-eskolár hatene ona book a'an desportu, maibé iha primária, matéria desportu minimu tebes, kondisaun laiha, no ita la hanorin husi inísiu kedas ba labarik sira atu toman a'an ba desportu.

"Liu-liu estudante sira ne'e mai ona iha universidade mak foin hetan introdusaun husi matéria desportu nian. Ida ne'e dehan katak ita obriga a'an, maibé koalia kona-ba prestasaun ne'e ita la ezije," nia hatete.

Nia mós subliña katak instituisaun publiku sira laiha profesór desportu, ne'ebé sai problema boot ba dezenvolvimentu atleta ho prestasaun diak.

Ministru Nelya propoin solusaun atu halo refrelasaun, karik atu dezenvolve atletizmu no hakarak konsetra atleta husi eskola, atu foka liu ba ida ne'e duke hari'i federasaun oioin ne'ebé laiha benefísiu ba estadu.

"Tenke foka ba modalidade sira ne'ebé iha poténsia no infraestrutura suporta, hodi produs atleta ne'ebé bele kompete iha nível internasionál," dehan nia.

Workshop ne'e partisipa husi federasaun sira ne'ebé hamahon an iha CDTL, CPNTL, CONTL, no eskola sekundária Finantil, Paulo VI Dili, Anu'ur, no Eskola Farol.

MJDAK kontinua komprometidu atu hadi'a setór desportu nasionál liuhusi planeamentu estratéjiku, koordenasaun ho federasaun, no reforsa edukasaun desportu hosi nível baze.

#MediaMjdak