REMEXIO, 21 Agostu 2026, GKI---Bispu Arquidiocese Dili, Dom Virgílio Cardeal do Carmo da Silva,  esperansa boot ba foinsa'e Katólika sira atu buka sai eskolante Jesus Kristu nian iha sosiedade, hodi nuné bele transforma atitude sira nebé ladi’ak no sai sasin Kristu nian nebé metin, hodi hametin amizade dame iha sosiedade maske hasoru desafiu oioin nebé dala ruma bele halo foinsa'e sira lakon   dalan maibé fiar ba katak Kristu mak Maromak nia kbiit no matenek no Kruz mak ita nia esperansa.

Dom Virgilio hato’o mensajen Fiar ne’e iha Misa Ekaristia Enseramentu atividades Jornada Nasional Juventude Katolika iha Igreja Parokia Sao Jose Operario Remexiu,  Postu Remexiu. Munisipiu Aileu, Sabadu (21/08).

Ministru Juventude Desportu, Arte no Cultura (MJDAC) Nelyo Isaac Sarmento akompana husi Diretor Nasional Asosiativismo Juventude,  .Florindo Napoleao  partisipa iha misa solene enseramentu ba Jornada Nasional Juventude iha Paroquia Sao Jose Remexio. Misa Solene ne’e mos hodi selebra  Paróquia Sao Jose Operario Remexiu ba  da-25.  

Peregrinasaun  ne'e, halibur foinsa'e Katólika rihun ida resin no sarani sira nebé mai hosi Diosese Dili, Baukau no Maliana  ne'e, lori mensagem sentral atu foinsa'e sira bele "hader husi dukur" no tau matan ba ki'ak sira no atensaun  ba realidade moderna ohin loron nian. Liu hosi prezensa Kruz Jovem, sarani no peregrinu sira konsege sente ona Maromak nia haraik-an, rona povo nia terus no kura fuan sira nebé kanek, liuliu ba ema moras, faluk no katuas-ferik sira nebé hela mesak iha foho.

Tuir Dom Virgílio,  dalabarak foinsa'e sira hasoru dezafiu no obstákulu  boot wainhira koko atu haklaken, maibé sempre hetan presaun no menus konsiderasaun  husi sosiedade. Maski nuné, foinsa'e kontinua representa ksolok, liberdade, kreatividade, no mos mehi hodi buka justisa.

Sua Eminênsia mós hato’o agradesimentu kle’an ba foinsa'e sira nia disponibilidade, ksolok, sakrifísiu no partisipasaun tomak, hodi sublinha,  foinsa'e sira nia kontribuisaun ne’e la’ós atu hodi buka oin maibé responsabilidade.

Hafoin selebrasaun  Eukaristia ne'e, kontinua kedas ho diskursu no kontinua ho seremónia entrega ofisial Kruz Jovem ba Paróquia Vemasse, Munisipiu Baukau

Iha oportunudade ne’e, Ministru MJDAK, Nelyo Isaac Sarmento hafoin Misa remata iha diskursus sublina, joven no sarani sira hotu kuaze tinan ida  halo sakrefisiu ho Cruz joven iha Paroquia Remexio, laos deit atu haforsa Ita Nia fiar Katolika maibe prezensa kruz joven nia atu hafanun joven Sira ne'ebe sei dukur no dukur hela ba baruk ten, esperansa, oportunidade hodi kuidadu  an no Rai Ida ne'e.

Tuir Ministru, ohin loron foinsae sira hakarak sente hetan buat ne'ebe ho lalais, duke lori kosar ben maka buka hakarak liu buat ne'ebe hare mesmo buat nee la diak, maibe hakarak halo tuir kedas. Mas  la sente katak buat ne'ebe Ita hare bele prejudika Ita nia an no ba ema seluk. No  ikus ne'e, Nelyo hatutan,  foinsae sira hakarak hatudu forsa hodi fo tempo preokupa ho ema seluk nia moris ne'ebe la produtivu.

“Imi la husu ba imi Nia an oinsa hau bele sai gerasaun kualidade iha nasaun ida ne'e, ba familia sosiedade no igreja,” Nelyo fo hanoin ba Peregrinu lubuk oan ne'ebe mai husi Dioseze  Dili, Maliana no Baukau nudar reprezentante paroquia ida-idak postu, munisipiu no maluk foinsae sira ne'ebe, sei dukur hela.

Iha Fatin Ida nee, tuir Nelyo laos Mai vizita ho hare deit paisazes ne'ebe furak iha Remexio, maibe imi Hader hodi oferese imi Nia tempo hodi hakonu imi Nia fiar ,meius Ida hodi kapasita imi Nia an  prepara imi Nia an hodi hasoru laloran no ondas bot ne'ebe sei mai.

Durante semana ida, foinsae Katolika sira  aprende sosiu kultura, buka konhese malu entre imi ho imi promove Domin ho fraternizasaun responsabilidade iha sosiedade. Imi sei saudes tamba esperensia ne'ebe imi hetan sei la akontese ba dala rua saudades bot liu ba imi joven Sira maka Kruz Joven la kleur tan entrega ba Paroquia Vemasi.

Nelyo afirma, Estadu RDTL rekunese  papel Igreja Katolika. Tan ne’e, Nelyo,   agradese ba ema hotu  husi parseiru dezenvolvimento, sosiedade sivil, organizasaun juventude, intituisaun akademi espesial ba konferensia episkopal Timor Leste liu husi Dom Virgilio Cardeal, Dom Norberto, Dom Leandro no  Consello Nasional Timor Leste durante tinan barak servisu hamutuk ho governo,  liu husi MJDAC hodi promove empoderamento bem estar ba dezenvolvimento juventude iha Timor Leste.

Atu transforma karakter foun sira ba gerasaun foun, tuir Nelyo, laos ezizi deit, oinsa maka atu obedese ba regras respeita malu matenek ho moral kristaun nia vida umana no fraternidade. “Orgullu no agradese klean ba belun sira husi konsellu Nasional Juventude Katolika Timor Leste. liliu amo no madre imi nia didikasaun hodi hafanun joven sira ne'ebe sei toba, ne'e extra ordinaria tebes,” tenil Nelyo .

Nune’e Kordenador Jeral ba vizita Kruz Joven Remexiu,  Izaquiel de Jesus sente urgullu no agradese ulun boot Igreja Katolika  Timor Leste nian ne'ebe servisu hamutuk ho governo,  liu husi MJDAK  hp espiritu Cruz oven nian fanun amo bispo sira hodi fihir Paroquia Sao Jose Operario Remexio hodi lori Cruz Joven mai vizita.

Iha vizita Cruz joven Nia iha Remexio sarani barak maka simu Sakramento Baptismo, primeiru komuniaun, sakramento krisma, sakramento matrimonio, Cruz joven hatudu milagre ba Ema ne'ebe moras estruk Lao Fila fali, sira ne'ebe moras lepra sai isin diak, sira ne'ebe matan la hare sai hare fali Ida ne'e maka milagre husi Cruz joven nia.

Durante vizita Cruz joven Nia atividade barak maka Ita halo ho sarani Sira, Reza terco, adorasaun santisimo, eukaristia, animasaun no formasaun. Iha formasaun fahe Kona ba dokumentos Uma kreda Nia. Bispo, amo, madre, autoridade no peregrino sira hotu,  liu iha dalan nian hare buat foun ne'ebe infeita nabilan no furak ida mudansa husi prezensa Kruz Joven nian. #MediaMjdak