DILI, 13 Jullu 2025 — Ministru Juventude, Desportu, Arte no Kultura (MJDAK), Nelyo Isaac Sarmento, hamutuk ho Sekretáriu Estadu Arte no Kultura (SEAK), Jorge Soares Cristovão, ohin observa direita simulasaun finál ba serimónia abertura XII Jogos Desportivos CPLP 2025. Eventu boot ne'e sei hahú iha loron 17 Jullu 2025, iha Estádio Munisipál Dili.

Ministru Nelyo Isaac Sarmento no Sekretáriu Estadu Jorge Soares Cristovão observa ona simulasaun husi dansarinu sira, ne'ebé prepara ona atu halo aprezentasaun ba abertura nian. Sira mós haree direta ekipa sira ne'ebé sei simu delegasaun husi nasaun membru CPLP sira, no mós korpu ne'ebé sei hosi bandeira nasionál, ne'ebé forma husi estudante selesionadu sira husi Dili.

Iha fatin ne'e, ekipa téknika sira hahú ona monta palku no sistema som (sound system) atu asegura katak serimónia ne'e la'o ho di'ak. Tuir relatóriu, parte infraestrutura atinje ona 98%, no hein de'it finalizasaun iha loron hirak tuir mai.

Ekipa ne'ebé hamutuk hodi observa atividade sira ne'e inklui reprezentante sira husi Komisaun Organizadora Timor-Leste (CTA), Diretór-Jerál Desportu MJDAK, Diretór-Jerál SEAK, Xefe Gabinete MJDAK, no entidade relevante sira seluk.

#MídiaMJDAK