DILI, 19 Agostu 2026, GKI---Loron ida antes Orgaun Estadu no povu RDTL, komemora loron moris Forsa Libertasaun Nasional Timor Leste (FALINTIL) da-51, Lian Nain husi Munisipiu 13, hamulak uluk ba Rai Lulik, Matebian no Maromak tuir Lisan Timor Lorosae nian.

Seremonia kultural husu lisensa  ne’e, halao iha Uma Lisan Matebian Kelikai, Postu Kelikai, Munisipiu Baukau, Kuarta (19/08) kalan, hodi hanoin Martires da Patria hotu ne’ebe mate iha Foho Lulik Matebian Tutun iha tinan 1976-1979. 

Ministerio Juventude Desportu Arte no Kultura (MJDAK), liu husi Sekretariu Estadu Arte no Kultura (SEAK),   hamutuk ho lia nain uma lisan Matebian, Quelikai no lia nain 13 Munisipiu husu lisensa ba martires da patria ne'ebe fakar ran Iha foho matebian tutun Iha tinan 1976-1979. Serimonia ritual ne'e realiza iha airin bandeira nia fatin.

Molok komemora loron FALINTIL ne'ebe monu Iha loron 20 fulan Agustu 1975 no 20 fulan Agustu 2026 ba dala 51 ne'e halao uluk serimonia ritual hodi husu lisensa, atu nune'e bele fo Forsa nafatin ba F-FDTL no ukun nain sira, atu nune'e hametin nafatin unidade nasional no fraternidade hodi nune'e dezemvolve rai ne'e ho diak.

Tuir oberservasaun husi media MJDAK Iha terenu,  lia nain sira ne'ebe reprezenta kada munisipiu ne'e koalia tuir lian materna ida-idak hodi hamulak no husu lisensa ba martires da patria ne'ebe fakar ran Iha foho matebian nia tun durante okupasaun Indonesia nia tempu.

Partisipa ba serimonia ritual nee partisipa husi Vice Primeiru Ministru 1, Ministru Agricultura, Peska no Floresta, Ministru Juventude Desportu Arte no Kultura, Vice Ministru Obras Publika, Xefi Estadu Maior General F-FDTL, Tenente General Falur Rate Laek, Brigadeiru General Trix, Segundu Komisariu Geral Komandante PNTL, PAM Baucau, APA Quelikai, Apa Matebian nomos Autoridade lokal husi Postu Administrativu Quelikai nomos Postu Administrativu Matebian.

#MediaMjdak