DILI, 24 Jullu 2025 – Timor-Leste, liuhusi Ministériu Juventude, Desportu, Arte no Kultura (MJDAK), ho orgullu boot simu kedas Sua Exelénsia, Sra. Margarida Balselheiro Lopes, Ministra Kultura, Juventude no Desportu husi Repúblika Portugál.

Ministra Margarida Lopes nia vizita ne'e ho objetivu atu partisipa iha Konferénsia Ministru sira nian husi Juventude no Desportu CPLP nian. Konferénsia ne'e hala'o iha Dili nu'udar parte husi preparasaun ba XII Jogos Desportivos da CPLP 2025.

Vizita husi Ministra Portugál ne’e hanesan momentu importante ida atu hametin liután relasaun no kooperasaun bilaterál entre Timor-Leste no Portugál iha área juventude, desportu no kultura.

MJDAK hato'o "Bem-Vinda" ba S.E. Ministra ba rai Timor-Leste no ba partisipasaun iha Konferénsia no XII Jogos Desportivos da CPLP 2025.

#MídiaMJDAK