DILI, 15 Setembru 2026, GKI---Atu serteza utilizasaun orsamentu apoiu programa atividades desportu ba parseiru CPNTL, realiza pratika atividades desportivas iha fahe preparasaun nian, ba eventu internasional Asian Para Games, Nagoya, Japaun 2026,  Diretur Jeral Desportu (DJD), David Thomas de Deus ho ekipa monitor direta atletas difisiente iha Otel Vila-verde, Dili, Timor Leste, Tersa (15/09).

Objetivu monitoring direta ne’e, tuir DJD, David mak hare direta progresu treinu  atleta para tenis meza  sira no dadalia ho treinadores sira. “Treinador relata katak sira mos iha progresu no  mudansa iha treinamentu. Espera katak sira mantein treino, disiplina ikus mai hodi partisipa hodi kompete ho atleta sira husi nasaun seluk,”  David esperansa.

“Treinador relata katak sira mos iha progresu no  mudansa iha treinamentu. Espera katak sira mantein treino, disiplina ikus mai hodi partisipa hodi kompete ho atleta sira husi nasaun seluk,”  David esperansa.

Iha fatin hanesan, Rogerio Tadeo Cabral Soares nudar treinador informa,   atleta  para tenis meza treino durante fulan ida ho balun hodi bele kompete  iha jogus Asian Para Games, iha Nagoya,  Japaun.

"Kada tinan atleta para tenis meza sempre iha partner, maibe tinan ne'e atleta para tenis meza nain ida (1) deit, mas  nia prontu kompete ho diak iha klase 7 hodi hasoru  adversariu husi nasaun seluk,"  Tadeo esplika.

Nune’e modalidade atletismu nian, Atleta Para Atletismo,Teofilo Freitas sei kompete iha klase T38 (400 km no 1500 km). No Atleta Jonzinho Fernandes Araujo kompete  iha klase T13 (1500 km) no Atleta Romero de Jesus kompete iha klase T13 (1500 km). #Mediamjdac#