Covalima : 19 Setembru 2025: Ministerio Juventude Desportu Arte no Kultura (MJDAK), Liu husi Diretur Nasional Dezemvolvimentu Juventude (DNDJ), Firmino Dias Quintas observa direita ba Rampa ne'ebe sentru Juventude Covalima monta hodi fo asesibilidade ba maluk Ema ho Defisiensia atu nune'e bele asesu ba programa formasaun nian.

Diretur Firmino hatete  MJDAK hamutuk ho UNICEF Timor-Leste halo asesmentu dahuluk ba sentru sira ne'e iha tinan rua liu ba, programa Ida nee liu husi MJDAK no apoiu husi parseiru dezemvolvimentu internasional UNICEF hodi implementa rampa nee ba sentru Juventude tolu mak hanesan sentru Juventude Covalima, Bobonaru nomos sentru Juventude Comoro Dili, atu nune'e fo oportunidade ba Ita nia joven defisiensia sira atu asesu mai sentru Juventude nia programa.

 Konstrusaun asesibilidade ida nee baseia ba inisiativa MJDAK (iha tempu neeba sei SEJD) hodi hakarak asegura sentru juventude sira asesivel no pedidu husi Diretur Jeral Juventude mak atu halao uluk iha Sentru Juventude 4 (Comoro, Becora-too ikus kansela, Covalima no Maliana).

Fundus ba konstrusaun asesbilidade iha munisipiu tolu mak $47.788.30 inklui ho amendementu (baseia ba asesibilidade audit ne'ebe organizasaun defisientes sira halo iha centru juventude tolu refere)

Iha Fatin hanesan jestor sentru Juventude Covalima Julio Ferreira hatete monta rampa ne'e importante teb-tebes ba ita nia maluk defisiensia sira no maluk sira la ho defisiensia, atu bele aprende  iha sentru Juventude, maka Ita koalia konaba sira nia tur fatin, lao fatin, asesu haris fatin no seluk tan nee Ita presiza kria kondisaun ba sira no valoriza ho dignu, tanba Ita hanesan umanu ka labele husik ema ida iha kotuk.

Aliende ne'e mos sentru Juventude Covalima mos orgullu no agradasese ba UNICEF nia programa katak Iha hanoin ne'ebe signifikativu tebes, hodi fo espesu ba ita nia maluk defisiensia sira.

Tamba nee konstrusaun asesibilidade ne'e remata ona, nune'e  MJDAK hamutuk ho UNICEF Timor-Leste sei inagura rampa refere Iha tempu besik.

#MídiaMjdak