Dili, 23 Setembru 2026, GKI-- Diretór Jerál Servisu Korporativus, Ministeriu Juventude Desportu Arte no Kultura,   João dos Santos   ho Country Director Corpu da Páz iha Timor-Leste, Jamie Fouss  asina ona Memorandu Nota Entendimentu (MoU) konaba parseria servisu hamutuk.

Partisipa iha seremonia asina MoU ne’e, Xefi Gabinete MJDAK, Egas Barros Godinho ho ekipa tekniku husi Corpo da Pas no MJDAK, iha  Salaun Magna MJDAK Lecidere, Dili, Timo-Leste, Kuarta (23/09).

Diretór Jerál Servisu Korporativus, João dos Santos esplika, objetivu husi asina MoU ne’e ho inisiativa liu-liu kolokasaun voluntariu sira ba iha sentru juventude sira ne’ebé mak ezeiste iha munisipiu atu suporta no haforsa atividade ne’ebé relevante ho kapasidade dezenvolvimetu juventude, inisitaiva ekonamia emprendedorizmu no dezenvolvimentu ekonomia komunidade iha Timor-Leste.

“MJDAK  marka tan historia importante ida hamutuk ho Korpu da Páz iha Timor-Leste liu husi Asina Nota Entendimentu ida ne’e. Tanba ne’e,  agradese ba ekipa Korpu da Páz nian. Serimonia ida ne’e reprezenta pasu importante ida atu haforsa tan ita nia kooperasaun no parseria entre ministeriu no Korpu da Páz,  liu-liu area  juventude no dezenvolvimentu ekonomia iha komunidade ne’ebé mak sei hamutuk ho foinsa’e voluntariu sira ne’ebé mak koloka iha teritoriu nasional Timor-Leste,” Joao esplika.

Insiativa husi Memorandu Nota  ne’e, Joao hatutan,  hodi kolokasaun voluntariu sira ba iha sentru ne’e atu suporta no haforsa atividade ne’ebé relevante ho kapasidade dezenvolvimetu juventude, inisitaiva ekonamia emprendedorizmu no dezenvolvimentu ekonomia komunidade iha Timor-Leste tuir prinsipiu bilateral no koperasaun entre nasaun ho nasaun.

Tuir João dos Santos MoU ne’e, fo oportunidade liu-liu ba voluntariu sira atu fasilita no koloka espesialmente ba iha sentru juventude sira ne’ebé mak eziste iha munisipiu idak-idak no husu mós ba oin bele koloka mai iha ministeriu atu bele fasilita formasaun ba funsionáriu sira, inklui atividade seluk ne’ebé presiza dezenvolve.

Espera katak ho parseria ida ne’e bele kontribui ba kriasaun ambiente ne’ebé fo oportunidade ba juventude sira nia kapasidade, kreatividade no inisiativa oinsá bele suporta esforsu governu nian iha dezenvolvimentu soasiál no ekonomia sustentavél.

Partisipa iha atividade ne’e mai husi Diretór Nasionál, Xefí Departamentu, Asesor husi MMJDAK hamutuk ho Ekipa husi Corpu da Páz nian. #MediaMjdak#