DILI, 21 JULLU 2026,  GKI— Prezidenti Komisaun Nasional  Integrada Alto Nivel ba Preparasaun no Partisipasaun Atletas Nasional iha eventu Asean Games Nagoya, Japaun 2026,   David Tomás de Deus,  afirma ba membrus estrutura maximu   hodi halo serbisu preparasaun ho professional no transparansia hodi garantia kompetisaun atletas nasionais iha jogus iha Asean Games, Nagoya, Japaun 2026 nian.  

"Preparasaun ne'e tenki la'o ho profisionalizmu no transparénsia. Atleta sira mak prioridade. Sira sei hetan apoiu ne'ebé sira presiza atu reprezenta Timor-Leste ho di'ak iha palku internasionál. Komisaun komprometidu atu servisu ho dedikasaun maksimu atu garante katak Timor-Leste partisipa ho orgullu iha Asian Games 2026," tenik David.

Nune’e, Vise Presidenti Komisaun, José Caetano Guterres, hateten,  CDTL no MJDAK serbisu hamutuk  iha koordenasaun  importante hodi asegura katak atleta sira preparadu ho di'ak. No  la'os de'it fízika maibé mós mental no espiritual. “Ami sei apoia atleta sira ho servisu di'ak hodi sira bele kompeti ho orgullu ba nasaun," Jose promote.

Asian Games Nagoya-Japaun 2026 mak eventu desportivu boot ida ne'ebé sei sai plataforma ba atleta Timor-Leste atu hatudu kapasidade iha nível internasionál. Partisipasaun atleta nasional iha eventu desportu  internasional ne’e, importante hodi promove imajen pozitiva Timor-Leste iha komunidade internasionál no inspira jerasaun foun atu gosta no involve iha desportu. No fortalese kooperasaun ho nasaun sira seluk liu-hosi desportu, dezenvolve desportu nasionál ho padraun internasionál.

Estabelesementu komisaun ne’e, nudar  kompromisu forte husi governu, husi MJDAC no  konfederasaun ne'e importante tebes atu garante  rekursu hotu-hotu (finansas, teknika no suporta médiku) disponível no uza ho efisiente. Ekipa komisaun sei kontinua hala'o enkontru regular atu monitoriza dezenvolvimentu preparasaun atleta. Komisaun mós sei koordena ho federa desportu sira, atleta sira, no parseiros relevante sira atu asegura katak preparasaun la'o tuir planu.

Komisaun ne’e,   bazeia ba Despaxu Ministerial Númeru 6/MJDAC/VII/2026 ne'ebé Ministru MJDAC,  Nelyo Isaac Sarmento. Despaxu ne'e publika iha Jornal da República Série II, númeru 29, loron Sesta-feira, 17 Jullu 2026.

Estrutura Komisaun Nasional Integrada de Alto Nivel (CNIA) kompostu husi, David Thoma de Deus, Presidenti, José Caetano Guterres, Vise Presidenti 1, Vicenti da Silva Carvalho, Vise Presidenti 2, João dos Santos (Administrasaun no Finansas),  João Rogério Maria Rodrigues (Programa Avaliasaun no Seleksaun), Aida de Jesus Soares (Komunikasaun no Publikasaun), Nilton da Silva (Médiku Espesialista), Corneluis Coli (Médiku Espesialista).   #MediaMJDAK