DILI,  28 Setembru 2026, GKI-- Diretur Jeral Desportu (DJD) Ministeriu Juventude Desportu Arte no Kultura (MJDAK), David Tomas de Deus,  ensera formasaun treinador poomsae  nain 21 no distribui sertifikadu.

Seremonia enseramentu ne’e realiza iha salaun uma nahe biti bo’ot, MJDAK, Lesidere Dili, Timor-Leste.

David Tomas de Deus hatete,  MJDAK fo apoiu ba Federasaun Taekwondo Timor-Leste hodi organiza formasaun ba treinador taekwondo espesifikamenta ba liu Poomsae nian.

Objetivu husi formasaun  poomsae ne’e, tuir David, iha futuru  bele halo kampionatu sira, liu-liu ba taekwondo nian no dezemvolve poomsae nian, dadus hatudu mai ita katak seidauk iha treinador ba poomsae nian.

Tanba ne’e, David hatutan, presiza halo formasaun ba sira no iha konesementu sei fo treinu ba atleta sira.  Tanba MJDAK mos iha ona planu atu organiza festival nasional desportu (FND), ne’ebe sei akontese iha fulan Novembru nomos poomsae hanesan ramu ida husi taekwondo hodi bele halo kompetisaun.

Nune’e treinadores sira, bele ba ida-ida nia munisipiu ka ba sira nia dojan hodi treinu atleta sira, hodi  bele mai tuir kompetisaun iha fulan Novembru 2026. Treinadores tempu sira mos bele dezemvolve diak liu tan ba formasaun poomsae nian ba atleta sira.

Formasaun ida ne’e, David haktuir, baziku ba treinador sira no tinan oin mai tan ita fo formasaun ba sira husi medio ba nivel profesional ne’e tinan oin mak avalia planu mak halo fila fali formasaun refere.

Formasaun ida ne’e laos ba federasaun taekwondo Timor-Leste deit, David informa,  tinan oin sei fo formasaun ba treinador husi modalidade hotu. Tanba ne’e, parte  MJDAK mos sei deskute hamutuk ho CDTL hamutuk prezidente federasaun sira hamutuk hodi dezemvolve ba treinador ne’ebe mak diak nomos laiha treinador diak maka logikamente difisil tebes ba ita hotu. Espera,  ita hetan treinador diak maka sei hetan atleta ne’ebe diak ba ita hotu nomos hamorin nasaun Timor-Leste iha mundo desportu nian.

Iha fatin hanesan prezidente FTTL, Gil Alvares Fernandes hatete,  durante semana ida nian laran, federasaun taekwondo Timor-Leste fo hela formasaun ba treinador poomsae sira ne’ebe hetan apoiu orsamentu husi MJDAK ho total $ 1.750 husi orsamentu ne’e bazeia ba formasaun nian deit no inisiativa husi MJDAK rasik ne’e pozitivu tebes ba FTTL rasik.

Gil rekunese,  atleta sira ne’e hatene deit mak Timor-Leste ne’ebe gosta kyorugy ne’e, mais poomsae ne’e limitadu tebes. Ho nune’e mak MJDAK nia akompanamentu ba poomsae ne’e menus tebes, entaun MJDAK apoiu orsamentu hodi kontinua fo formasaun baziku poomsae nian ba treinador sira, atu nune’e sira fila fali ba ida-idak nia dojan karik treinador hirak ne’e bele fahe informasaun konaba formasaun poomsae nian ne’e ba atleta sira hotu.

Formasaun ida ne’e akumula hotu husi 12 munisipoiu inklui RAEOA,  munisipiu ne’en mak tuir formasun durante semana ida tomak nomos munisipiu hitu mak labele tuir formasaun, dala ruma okupadu ho servisu ruma.

FTTL mos iha hanoin ona atu formasaun ida ne’e kontinua nafatin, labele to’o iha dalan klaran deit, formasaun baziku ne’e mos tenke ba hotu-hotu, atu nune’e bele aprende hotu konaba lalaok poomsae nian.

Tuir Gil, formasaun ida ne’e sufisiente ona, mais tenke halo bebeik atu nune’e treinador sira ne’e bele komprende diak liu tan.

Patisipa husi enseramentu ne’e mai husi DGSC, Vice CDTL, Diretora Federado, Diretor Desportu Komunitaria, Diretor Asosiativismu Juventude (Rep DJJ), DJ SEAK, Sekretariu Ezekutivu CND no staf husi diresaun jeral desportu nian. #Mediamjdak#