DILI, 20 Jullu 2025 – Kompetisaun Tenis Kampu iha XII Jogos Desportivos CPLP 2025 hahú ona ho intensidade maka’as iha Kampu tenis besik Kampus Fakuldade Ekonomia no Jestaun (FEAH) – Universidade Nasionál Timor Lorosa’e (UNTL), Díli, ohin loron Domingu, 20 Jullu. Jogu inisiál sira hatudu ona nível kompetisaun ne’ebé aas tebes.

Jogu Inisiál iha Kategoria Feto no Mane

Ekipa Portugal nian hatudu domíniu iha jornada uluk, manán jogu sira hotu ne'ebé sira partisipa:

Iha kategoria feto, ekipa Portugal nian manán Timor-Leste iha set dahuluk no daruak, no kontinua hatudu superioridade hasoru Angola, manán ho score 6-2 no 6-0. Iha kategoria mane, ekipa Portugal mós manán ekipa Timor-Leste iha jogu inisiál sira.

MJDAK hato'o parabéns boot ba atleta sira hotu ba sira-nia dedikasaun no espíritu desportivu ne'ebé aas tebes, no enkoraja atu kontinua halo jogu ho lealdade iha jogu sira tuirmai.

#MídiaMJDAK