Iha enkontru ne'e, Diretór Jerál no Diretór Nasionál sira, liuliu husi DNPCI no DNAF, aprezenta detallu kona-ba programa ne'ebé ezekuta ona.
Diskusaun kordenasaun ne'e importante tebes atu halo avaliasaun finál ba progresu finanseiru no atividade antes relatóriu kompletu ne'e lori ba aprezentasaun ofisiál iha Ministériu Finansas. Atividade ne'e hatudu kompromisu Governu nian atu halo jestaun ba orsamentu ho transparánsia no responsabilidade.
Atividade kordenasaun ne'e hala'o iha kontestu ne'ebé Proposta Lei Orsamentu Jerál Estadu (OJE) tinan 2026 nian tama ona ba faze apresiasaun iha Parlamentu Nasionál.
MJDAK no SEAK hahú ona preparasaun atu partisipa iha faze importante tuir mai: Audiénsias Públikas (20 to'o 24 Outubru): Tuir ajenda Ofisiál Parlamentu Nasionál nian, MJDAK no SEAK sei tama ba iha Audiénsias Públikas ho Komisaun C (Komisaun Finansas Públikas) iha loron 23 Outubru 2025, hodi hato'o no defende Proposta OJE 2026 nian kona-ba setór Juventude, Desportu, Arte, no Kultura.
OJE tinan 2026 ne'e ho tema sentrál: “Investe iha Transformasaun Nasionál, Integrasaun Rejionál no Dezenvolvimentu Inkluzivu”. Proposta ho montante globál konsolidadu hamutuk dólar amerikanu biliaun 2,291, ne'ebé hanesan reflesaun ba objetivu IX Governu Konstitusionál nian hodi hasa’e kreximentu sustentável no inkluzivu.
Kalendáriu Apresiasaun Parlamentár OJE 2026 Nian:
· 16 to'o 17 Outubru: Semináriu Komisaun C.
· 17, 20 to'o 24 Outubru: Audiénsias públikas (inklui aprezentasaun MJDAK nian iha 23 Outubru).
· 5 to'o 7 Novembru: Debate no votasaun iha jeneralidade.
#MídiaMJDAK
MídiaMJDAK
17 - 10 - 2025
fahe ba facebook
MINISTÉRIO DA JUVENTUDE, DESPORTU, ARTE E CULTURA
SECRÉTARIO ESTADO ARTE E CULTURA
