DILI, Tersa, 23 Jullu 2025 – Kompetisaun modalidade Basketbol 3x3 hahú ona ho intensa iha Gináziu Desportivu Díli (GDD), nu'udar parte husi XII Jogos Desportivos CPLP 2025. Jogu sira ne'e atrai atensaun boot hosi públiku, liuliu ho prezensa inspiradora husi Sua Exelénsia Prezidente Repúblika, Dr. José Ramos-Horta, ne'ebé mai asiste rasik, hodi fó motivasaun boot ba atleta sira.

Iha jogu dahuluk ba kategoria Mane, ekipa uma-na'in Timor-Leste hasoru ekipa forte husi Angola. Angola manán jogu ne'e ho score finál 21-3.

Maski rezultadu la'ós buat ne'ebé Timor-Leste espera, esperiénsia ne'e sai valioza tebes. Atleta sira hetan oportunidade importante hodi aprende no dezenvolve-an iha jogu internasionál ida-ne'e.

Forza ba atleta sira hodi kontinua aprende no dezenvolve-an!

Kompetisaun iha loron antes (22 Jullu 2025) hatudu ona rivalidade intensa entre nasaun sira:

Kompetisaun Basketbol 3x3 sei kontinua nafatin iha loron tuirmai. MJDAK husu ba públiku atu kontinua fó apoia másimu ba delegasaun Timor-Leste nian iha Jogos CPLP 2025!

#MídiaMJDAK