Díli, 21 Agostu 2025 ; Ministru Juventude, Desportu, Arte no Kultura (MJDAK), Sua Ex. Nelyo Isaac Sarmento, hamutuk ho Sekretáriu Estadu Arte no Kultura, Sua Ex. Jorge Soares Cristovão, hala’o reuniaun interna iha Sala Magna MJDAK.

Reuniaun ida ne’e envolve diretór jerál no dirijente hotu-hotu, hanesan parte importante iha preparasaun Orsamentu Jerál Estadu (OJE) 2026.

Objetivu:

Ajusta no harmoniza proposta Planu Asaun Anuál (PAA) bazeia ba rekomendasaun husi Komité Revizaun Orsamentál (KRO) ne’ebé dokumenta iha “pasta verde” husi Ministériu Finansas.

Ajustamentu mak halo atu garante katak kada programa/projetu inklui iha OJE 2026 tuir lei, prioridade nasional no politika Governu.

Proposta orsamentál ida-ne’e sei aprezenta fali ba Ministériu Finansas no ministeriu relevante sira iha loron 25 Agostu 2025, molok submete ba Konsellu Ministru atu hetan aprovasaun finál.