CAILACO, 03 Outubru 2026, GKI—Governu Konstitusional da-9, liu husi Ministeriu Juventude Desportu Arte no Kultura (MJDAK) fo apoiu fundus  ba Uma Lisan hotu iha teritoriu laran, nudar pulitika valorizasaun ba Lisan Tradisional Timor Leste nian. Tanba ne’e, Sekretaria Estadu Arte no Kultura (SEAK), iha ninia planu asaun annual (PAA) 2026 nian, preve orsamentu ba programa  apoiu komunidades Uma Lisan sira hodi promove no dezenvolve Lisan Tradisional sira.

 Implementasaun programa apoiu fundus ba promove Uma Lisan ne’e, Sabadu (03/10), Ministru Juventude Desportu Arte no Kultura, Nelyo Isaac Sarmento, akonpana husi Sekretáriu Estadu Arte no Kultura (SEAK), Jorge Soares Cristovão, inagura "Uma Lisan Mambu Manesapulu" iha Suku Acudara, Postu Cailaco,  Munisipiu Bobonaro.

Nelyo Isaac hateten, Governu kontinua nafatin valoriza Uma Lisan Iha Timor-Leste hodi bele indentifika sira nia jerasaun ba jerasaun. Nelyo Isaac Sarmento, subline, atividade ne'e faz parte husi oinsa mak ita bele indentifikasaun ba ita nia patrimonio indentidade Timor-Leste nian liu husi uma lisan.

IX Governu liu husi Ministeriu Juventude, Desportu, Arte no Kultura (MJDAK), liliu iha Sekretáriu Estadu Arte no Kultura (SEAK), Nelyo hatutan,  nafatin fo apoiu oinsa mak ita atu hahú no ita haloa tia ona ba preparasaun konserva uma lisan sira. Ohin ita mai inagurasaun uma lisan ida ne'e faz parte husi buat ne'ebé atu hatudu ita nia identidades liliu oinsa mak husi uma lisan ne'e bele halibur jerasaun ba jerasaun iha kada uma lisan ida-ida.

Nelyo konsidera,  halibur jerasaun ne'e mak ita nia unidade hodi marka diferensa entre ita timor oan sira ho nasaun seluk  hodi asegura ita nia identidades relasaun umanu entre ita timor familia ne'e hanesan fatin mahon ida ne'ebé mak bele reprezenta ita hotu hodi hari katak inimigo ba Ita ne'e la iha. Tanba, ita mesak maun alin, rai kikoan ligasaun entre uma lisan Ida ba uma lisna iha  timor ne'e iha relasaun maibe okupasaun kolonialismu halo ita la lao ba mai entaun ita la konese malu.

“Uma lisan mak bolu fali buat ne'ebe mak ita lakon iha tempu okupasaun nian atu halibur ita hamutuk fali, ita iha unidade forte problema la iha no Ita nia dezelvovimentu mos lao ba oin,” katak Nelyo.

Tuir  Nelyo Isaac Sarmento,  Governu kontinua nafatin valoriza uma lisan sira iha Timor-Leste tanba ne'e maka Ita sempre fo apoiu ba uma lisan sira, laos deit atu hari maibe oisna sira halo uma lisan depois buka malu atu halo halibur malu hansane hodi identifika sira nia jerasaun ba jerasaun. #MediaMjdak#