DILI, 9 Setembru 2026, GKI---Exposizaun area edukasaun nivel superior nudar estratejia hametin lasu amizade   relasaun diplomatiku entre Nasaun Timor Leste (TL) no Republika Indonesia (RI).

Exposizaun ho tema "Membuka Peluang Masa Depan Mempererat Persahabatan Indonesia dan Timor-Leste", ne’e, realiza iha Sentru Kultural Indonezia, Kaikoli, Dili, Timor Lorosae, Kuarta (09/9).

Ministru Juventude, Desportu, Arte no Kultura (MJDAK) Sua Excèlencia Nelyo Isaac Sarmento akompana  Vise-Primeiru Ministru, Ministru Kordenador ba Assuntos Sociais no Ministru Ensinu Superior Siensia no Kultura, Eng. Mariano ASSANAMI Sabino, partisipa Expozisaun Ensinu Superior Indonezia tinan 2026.

Vise-Primeiru Ministru, Assanami konsidera, feira  ensinu superiór ne'e importante tebes atu nune'e estudantes finalista sira bele asesu informasaun husi universidade sira iha Indonezia karik aban bainrua sira hetan oportunidade bolsu estudu ou lae sira iha ona informasaun fasil atu ba estuda iha ne'eba.

Alende ne'e, liu husi feira ne'e mos parte ida atu loke dalan ba servisu hamutuk entre Governu Timor-Leste ho Indonezia ne’ebe di'ak liutan. Governu Timor-Leste komprometidu sei apoiu inisiativa sira hanesan ne’e, tamba fo benefisiu direita ba dezenvolvimentu rekursu umanu iha futuru. Estudantes universidade sira husi Indonezia mai iha Timor halo promosaun ladun difisil tamba alumni barak iha ne'e bele ajuda.

Tuir dadus ne'ebé fo sai husi adidu edukasaun Indonezia katak estudante Timor oan sira ne’ebe rejista husi 10 to'o 12 mill maibe barak mos la rejistu, tamba ne’e husu estudante hotu-hotu atu hakbesik an ba konsuladu jodi halo rejistrasaun nune'e Governu fasil hodi kontrola no bainhira mos problema ruma ita bele buka nia solusaun. Feira ne'e mos hetan partisipasaun masimu husi universidade Indonezia nian hamutuk 25. #MediaMjdak#