MANATUTU, 2 Agostu 2025 – Iha loron Sábadu ne'e, Sekretáriu Estadu Arte no Kultura (SEAK), liuhosi Xefe Gabinete, Sr. Francisco Tae Mau, partisipa ativamente iha serimónia inaugurasaun Lisan Lulik ho naran We-Nibak iha Suku Malala, Postu Soibada, Munisípiu Manatutu.

Fatin lulik ne'e iha naran kulturál ida ne'ebé espesiál tebes no naruk: “BIRU TUTU LEKI LAHAEK SARA MATA LADIKI LETE KOKO SAMA KOKO, LETE BOU SAMA BOU”.

Partisipasaun husi SEAK hatudu duni kompromisu Governu Konstitusionál IX nian atu prezerva, dignifika, no promove Timor-Leste nia patrimóniu kulturál no tradisaun lisan-na'in sira. Lisan lulik sira-ne'e nu'udar pilar importante ida ba identidade nasionál no presiza hetan atensaun másimu husi Estadu.

MJDAK/SEAK hato'o parabéns boot ba povu Suku Malala nian ba inaugurasaun fatin lulik ne'ebé valorizu tebes ida-ne'e.

#MídiaMJDAK