COVALIMA, 7 Outubru 2025 – Modalidade Voleibol Feto iha eventu rejionál Fronteira Cup 2025 hahú ona kompetisaun ho asaun ne'ebé intensa. Jogu dahuluk ne'e hala'o ho susesu, hodi hatudu duni espíritu luta no amizade entre Munisípiu fronteira nian.

Bobonaru Hatudu Forsa Husi Inísiu

Iha jogu abertura ne'e, Ekipa Forte husi Bobonaru konsege manán Ekipa uma-na'in Covalima A ho eskor klaru 2-0 sets.

Rezultadu Detallu: Set 1: Bobonaru manán ho 27-25 (Set ida ne'ebé intensa tebes). Set 2: Bobonaru manán ho 25-17.

Mehi no Desafiu Jogadora nian

Margarida Maria Pires Tilman, Jogadora Xave husi Ekipa Bobonaru, subliña katak vitória ne'e importante tebes ba sira-nia espíritu. Maibé, nia hato'o mós dezafiu ne'ebé sira hasoru iha kampu:

"Maski kondisaun kampu la satisfasaun, ami-nia mehi boot atu hetan kampion kontinua nafatin," Margarida Maria Pires Tilman hateten.

Liafuan ne'e reflete dedikasaun atleta sira-nian ne'ebé mantein sira-nia mehi boot maski iha limitasaun infraestrutura, ne'ebé sai nu'udar pontu importante ba Ministériu Juventude, Desportu, Arte no Kultura (MJDAK) atu tau atensaun ba futuru.

MJDAK afirma katak Fronteira Cup 2025 ne'e ho objetivu nu'udar Desportu Komunitáriu ne'ebé prioritiza Amizade, Unidade, no Kooperasaun entre Munisípiu fronteira nian: Covalima, Bobonaru, no Rejiaun Autonómu Oé-Cusse Ambeno (RAEOA).

#MídiaMJDAK