DILI, 1 Agostu 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento (NIS), ohin partisipa ativamente iha Semináriu Nasionál ne'ebé organiza husi Banku Dezenvolvimentu Aziátiku (ADB). Semináriu ne'e realiza iha Salaun Auditória Kay Rala Xanana Gusmão, Ministériu Finansas, Aitarak Laran, Dili.

Semináriu Nasionál ne'e hetan abertura husi Sua Exelénsia Primeiru Ministru, Kay Rala Xanana Gusmão, hodi hatudu Governu nia kompromisu ba kooperasaun ho parseiru internasionál sira.

Ministru Nelyo Isaac Sarmento nia partisipasaun ne'e importante hodi garante katak perspetiva no prioridade MJDAK nian kona-ba dezenvolvimentu juventude, desportu, arte, no kultura mós integra iha diskusaun estratéjika nasionál ho parseiru sira.

Semináriu ne'e mós partisipa husi membru Governu nian, no entidade importante sira seluk husi Setór Privadu no Setór Públiku, hodi diskute kona-ba dezenvolvimentu ekonómiku no estratéjia nasionál sira.

#MídiaMJDAK