DILI,  09 Agustu 2026, GKI---Ekipa Futebola U-12, sai kapiaun iha kompetisisaun futebola internasional iha Koreia du Sul, hafoin halakon finalis iha Kampo Futebola Boryeong Sport Park, KOREA Sul.

Ministru Juventude Desportu Arte no Kultura (MJDAK), Nelyo Isaac Sarmento (NIS),  no Primeiru Ministru, Kayrala Xanana Gusmao simu direta jogador U-12 iha Aeroportu Internasional Prezidente Nicolão dos Reis Lobato, Comoro Dili, Timor-Leste, ., Domingu (09/08).

Futebol juvenil Timor-Leste hahu buras ona dadaun, liu husi sentru futebol juvenil Timor-Leste iha ne’ebe destaka iha suku Becora, Aldeia Kulau, ne’ebe akumula jogador U-12 hamutuk ema nain 105, ne’ebe hetan selesiona husi Mr. KIM ikus hetan jogador U-12 hamutuk 22 mak selesaun duni hodi lori Timor-Leste nia naran ba iha nasaun KOREA hodi tuir kompetisaun ne’ebe fundasaun ida husi Legenda KOREA nian JI SUNG (JS) Cup, ne’ebe halao iha Boryeong Sport Park, KOREA Sul.

NIS rekunese,  primeira ves estadu Timor-Leste kria sentru futebol juvenil iha Becora, Dili no husi Becora ne’e jogador hamutuk 105 mak treinu hamutuk iha ne’eba  Depois mak halo selesaun ba sub-12 nian. Husi selesaun ne’e mak nain hira ba tuir kompetisaun juvenil nian iha nasaun KOREA do Sul.

Ida ne’e hanesan inisiu pretasaun nian, NIS husu  ba labarik sira nian atu partisipa no aumesmu tempu treinu sira nia mental kampiaun nian, no orgullu tamba ita iha mellor jogador, mellor treinador mos Timor-Leste mak foti.

Nune’e mos Timor-Leste tuir kompetisaun U-12, NIS hatutan,  fahe ba ekipa rua maka ekipa U-12 ne’e rasik ba ekipa internasional nian, ne’ebe Timor-Leste mak kampiaun. Nune’e mos, NIS informa,  ekipa U-11 lubuk ida mak ba tuir kompetisaun tinan 11 nian maka hetan 3⁰ lugar.  “Ida ne’e, prefere liu ba akademia sira ne’ebe iha deit nasaun KOREA nian,” NIS fo hanoin.

Tuir NIS, pretasaun labarik sira orgullu no treinu sira nia mental atu nune’e aban bainrua sira boot karik, sira toman ona atu sai kampiau, tamba sira iha ona mental. Tanba ne’e, NIS hatutan,  presiza aumenta kompetisaun festival ba U-12 nian, ba labarik sira liu husi Grousst Rout ba labarik kiik sira.

Agora dadaun MJDAK mos iha ona programa konaba kompetisaun Grousst Rout ba labarik sira U-12 nian no  laos deit ba Sentru Becora, mais nudar uma nain mak konvida sentru juvenil sira hanesan FFTL nian, iha mos munisipiu nian nomos bairu sira nian, konvida hotu mai atu nune’e bele halo kompetisaun ba U12 nian.

Aliende ne’e mos ba jogador ida ne’ebe diak ne’e koalia ho sira nia inan-aman atu nune’e ba hotu sentru atu nune’e bele hetan formasaun ne’ebe diak husi treinador sira ne’ebe iha sertifikasaun lisensa husi AFC nomos FIFA nian.

Objetivu prinsipal ba mellor jogador husi sentru juvenil sira ne’e ita koalia ho inan aman atu dada mai iha sentru akademia futebol juvenil becora atu nune’e bele fokus ba treinu, klaru katak guvernu lalao mesak no sempre iha komunikasaun ho federasaun futebol Timor-Leste iha intesaun no hakarak hanesan ne’e, entaun ita kolabora hamutuk hanesan programa reguler ida, tamba tinan-tinan sempre akontese ba U12 sira no liu-liu ba sentru sira ne’ebe iha ne’e atu mai kompete.

Graciano de Araujo Monteiro hatete Hanesan jogador U12 kontente tebes no esforsu duni hodi sai kampiaun ida ne’e no esforsu tomak maka hau bele hetan mellor jogador iha U12 nian. Nune’e mos ba oin hau treinu nafatin, badinas treinu, disiplina joga nian. #MediaMjdak#