DÍLI, 21 JUÑU 2026 –Ministru Juventude, Desportu, Arte no Kultura (MJDAK), Sua Exelénsia Nelyo Isaac Sarmento, partisipa iha selebrasaun Loron Internasionál Yoga dala 12 ho tema "Yoga ba Envelhesimentu Saudável" , ne'ebé hala'o iha Top Golf, Areia Branca, Dili.

Eventu ne'e organiza husi Embaixada Índia iha Dili, ho objetivu atu promove saúde fíziku no mental liuhusi prátika yoga, no mós hametin amizade no kooperasaun entre Índia no Timor-Leste. Partisipante sira husi atleta, estudante, ministériu sira, no públiku tomak hamutuk hala'o yoga hodi promove saúde fíziku no mental, envelhesimentu saudável, kultura moris di'ak, no diálogu kulturál entre nasaun rua.

Iha okaziaun ne'e, Ministru Nelyo Isaac Sarmento hato'o agradesimentu boot ba Sua Exelénsia Embaixadór Mahendra Singh Patiyal no Embaixada Índia iha Dili tanba konvite ne'ebé fó ba nia nu'udar konvidadu prinsipál.

"Jestu ida-ne'e hatudu amizade metin entre Índia no Timor-Leste, ne'ebé hari'i iha respeitu malu, valor komún, no kompromisu atu promove moris-di'ak ba povu rua," deklara Ministru Nelyo.

Loron Internasionál Yoga ne'e la'ós de'it ezersísiu fíziku, maibé mós símbolu ida husi unidade no paz ne'ebé ita hotu hakarak. Prátika yoga kontribui ba bem-estar fíziku no espiritual, hanesan ponte kulturál ne'ebé lori nasaun rua besik malu.

Governu, liuhusi MJDAK, kontinua apoiu inisiativa sira ne'ebé fortalese amizade bilaterál no promove estilu moris saudável ba jerasaun foun, hodi kontribui ba dezenvolvimentu sustentável no harmonia sosiál iha Timor-Leste.

#MediaMjdak