DILI, 14 Setembru 2026, GKI---Atletas Timor Leste selesionadu nain sanulu resin tolu (13), Segunda (14/09), despede Ministru Juventude, Desportu, Arte no Kultura (MJDAK), Nelyo Isaac Sarmento hodi ba kompete iha jogus Asean Games, Nagoya, Japaun.

Atletas 13 ne’e, kompostu husi modalidade desportu hitu (7), mak Atletismu nain 3, Natasaun (swimming) nain2, Volei de Praia nain 2, Taekwondo 1, Halterofilismu 2, Wrestling 1 no keste-Uun (Arehery) nain 2.   

Seremonia abertura Asian Games iha Nagoya, Japaun, hahu 19 Setembru 2026.

Iha seremonia despedida ne’e,  Ministru Juventude, Desportu, Arte no Kultura (MJDAK),  Nelyo Isaac Sarmento (NIS), informa, ministeriu nafatin fo apoiu  ba preparasaun atleta sira hotu. Ne'ebé hafoin halo despedida ho atleta ba Asian Games Nagoyan, Japaun.

Seremonia ne’ebe halao iha Salan Magna MJDAK, Lecidere, Dili ne’e,  Nelyo Isaac Sarmento, agradesse ba instituisaun relevante sira hotu ne'ebé halo preparasaun ba ita nia atleta hahu kedan husi Komite Olimpik, CDTL, no federasaun sira ne'ebé oferese nia atleta ba partisipasaun tinan ida ne'e.

Ministeriu kontinua fo apoiu ba sira nia preparasaun mesmo tempu ne'e kurtu maibe hau sente iha signifikadu tanba ita komesa ona introdus sistema preparasaun atleta ba atleta sira hodi komprende. Ita involve instituisaun relevante sira hotu espesial liu ba mediku desportu sira nian hodi halo akompanamentu ba sira nia preparasaun durante ne'e iha fatin konsentrasaun  ita involve ida ne'e tanba ita la hatene moras ruma iha atleta sira nia laran hodi bele prezudika  sira nia forte atu hetan prestasaun.

NIS  subline,  ita mos fo  konesimentu ituan  konaba anti dopping nian. Tanba agora dadaun iha mundu preparasaun ba atleta sira hotu ba eventu ne'e tenke iha ona sertifikadu anti doping nian no  konesimentu oinsa maka hatene kona-ba dopazen ne'e tanba bainhira atleta ruma mak ba tuir kompetisaun hodi ba teste mak hetan doping nia sei la tuir desportu iha nia vida tomak.

“Ami komesa hamutuk ona ho instituisaun sira hahu ona introdus mekanismu foun ba preparasaun nian hodi ita bele hare liu tan ba Sea Games Malazia tinan 2027 nian ne'e ita hahu kedan halo preparasaun sedu iha Janeiru ita bele hahu ona halo konsentrasaun ba atleta sira hodi halo programas diak husi teknolojia nian hodi ajuda sira tama nian iha hodi ita bele hatene katak modalidade mak durante halo preparasaun ita bele dudu sira ba "try out" iha fatin ho diak, uza oportunidades ida ne'e husu ba federasaun desportiva sira hotu hodi para ona "ego" lalika ona hanoin negativu ba federasaun no instituisaun sira, hanoin deit oinsa mak bele produz atlete ne'ebé diak,” NIS esperansa.  #MediaMjdak#