DILI, 04 Setembru 2026, GKI---Antes ba Kompete iha jogus ASIAN GAMES, Nagoya, Japaun 2026, treinadores no atletas Timor Leste, hetan kunesementu konaba regras Anti Doping (AD) husi fasilitadores  Komisaun Nasionál Desportu (KND) MJDAK nian.

Fasilitador AD, Kerry Pither Galhos no Bemvinda G. Alves fasilita formasaun anti-doping ba atleta hamutuk na’in haat (4) no mós treinadór na’in rua inklui ofisiál na’in rua ne’ebé iha fulan Outubru sei ba partisipa kompetisaun iha ASIAN GAMES, Nagoya, Japaun.

Atividade formasaun AD  ne’e, hala’o iha Salaun Komisaun Reguladora Arte Marsiais (KRAM), MJDAK Lecidere,Dili, Timor-Leste, Sesta (04/11).

Tuir Sekretáriu Ezekutivu KND, João M. Rodrigues hatete, formasaun ne’e importante tebes ba atleta no treinador sira liga ba Ai-moruk proibidu sira ne’ebé atleta sira la bele konsumu durante kompetisaun iha eventu intrenasional tanba, wainhira ekipa selesaun halo teste mak detekta atleta balu komete substânsia proibidu refere mak sei foti fila fali medalla ka premiu ne’ebé nia hetan no sei fo sansaun la bele partisipa iha kompetisaun durante tinan haat

“Objetivu husi formasaun Anti-Dopazen ba atleta no treinadóres inklui ofisiais ne’e importante tebes atu sira bele iha kuñesimentu ne’ebé naton ligadu ho substânsia ka Ai-moruk proibidu ne’ebé mak bandu atleta sira la bele konsumu hodi haforsa sira nia enerjia molok partisipa iha eventu ka kompetisaun internasionál sira tanba, wainhira ekipa selesaun halo teste mak detekta atleta balu komete substânsia proibidu refere mak sei foti fila fali medalla ka premiu ne’ebé nia hetan no sei fo sansaun la bele partisipa iha kompetisaun durante tinan haat nia laran ho ida ne’e mak ita fahe informasaun atu sai hanesa bukae ida ba ita nia atleta no treinadór sira,”  João Rodrigues esplika.

Atividade ne’e realiza tanba servisu hamutuk entre KND no APFTL no hetan partisipasaun husi Atleta FDATL, CPNTL hamutuk na’in 4 no mós Treinador na’in rua no Ofisiais na’in rua. #MédiaMjdak