DILI, 27 Juilu 2026, GKI—Dezenvolve foinsae sira nia kapasidade intelektual iha tempu agora nudar responsavel parte hotu nian. Tanba ne’e, Jestor husi  organizasaun naun governmental (ONG) Ba Futuru no Sentru Juventude Komoro (CCYC) realiza formasaun konaba jestaun monitoring ba foinsae nain sanulu (10).

Atividade ne’ebe, halao iha Seroja Komoro, Dili, hetan suporta husi parseiru dezenvolvimentu  UNICEF. 

Diretur Jeral Juventude MJDAK, Mario Tilman,  iha abertura, hato’o agradese ba parseirus dezenvolvimentu UNICEF nia suporta liu husi MJDAK hodi kapasita foinsae sira nia kunesementu iha area jestaun.

Mario esplika,  problema joven nee transversal, tanba ida nee mak ita hare ida nee, se ita hanoin ida mak laos problema transversal karik, entaun governu mesak mak hare deit, tanba situasaun joven sira nian maka ita hotu nia kontribuisaun hamutuk organizasaun Juventude liuliu ba CCYC,ONG BA FUTURU, hodi hamutuk halo mudansa ba ita nia Juventude sira.

Tuir Mario, importante liu mak ita asumi ho respondabilidade, ba mudansa hirak nee tenke ser pursentu 100 ne'e iha duni mudansa, los duni parte guvernu mos akompana hela dezafiu sira husi sentru nee iha duni.

Mario hatuta,  sai nafatin lisaun ida ba ita hotu no koko atu halo reflesaun ba kolega sira ne'ebe lakonsege tuir formasaun ba monitoring nian, importante mak iha respondabilidade. Tanba  hanoin lafasil no ikus mak apoiu ba ita sira nia sentru mak sai fali prejudikasaun.

‘Ita nafatin fo hanoin ba malu atu iha respondabilidade atu nune'e ofende ita bo'ot sira nia eziztensia nee rasik,” Mario inspira foinsae sira hodi rekunese,  “Orgullu los ida mak organizasaun Juventude CCYC hamutuk sentru Juventude 13 Iha munisipiu tomak ne'ebe hetan apoiu makas husi MJDAK rasik nomos organizasaun Juventude sira no sira nia servisu nee kobre hotu ba Timor laran tomak.”

Tanba ne'e mak ba ONG BA FUTURU nia esforsu tomak ne'ebe servisu hamutuk Sentru Juventude Munisipiu  Ermera, Bobonaru no Dili, ne'ebe fo asistensia akomapnanemtu nian atu nune'e bele diak liu tan.

Mario husu ba partisipantes ne’ebe tuir formasaun iha faze datolu ne’e,   nafatin konsentra ba no kompleta malu ba nesesidades   joven sira  presiza servisu hamutuk ida sai diak liu tan.

Diretur Sentru Juventude Komoro (CCYC),   Zito Izidoro,  agradese  ba MJDAK ne'ebe fo fiar ba CCYC hodi monitoring no akompana ba organizasaun sira. “Prosesu agora ne'e to'o ona faze terseiru, nee bazeia ba monitoring ne'ebe ita halo hamutuk ho ONG BA FUTURU, nomos rekomendasaun husi belun organizasaun sira,” Zito informa.

Iha parte monitoring, Zito hatutan,  hasoru dezafiu barak mak ita hasoru mais iha mos susesu ne'ebe iha organizasaun no laos ba organizasaun hotu-hotu mais iha organizasaun balun iha ninia susesu nee bo'ot tebes. 

Zito sente  orgullu  tanba organizasaun juventude sira kontribui tebes ona ba iha prosesu dezemvolvimentu komunidade nia leet.  Nune’e, CCYC sempre apoiu bebeik foinsae sira atividades. Maibe tuir Zito, formasaun  tenke kontinua nafatin no aumenta liu tan ho organizasaun sira, liuliu ba organizasaun juventude sira atu nune'e bele kontribui ba prosesu dezemvolvimentu ne'ebe iha.

Zito husu ba partisipantes formasaun, hodi uza oportunidade ba loron tolu nee ho didiak, atesaaun ho didiak no objetivu ne'ebe ita hakarak nee bele atinji tarjetu kunesementu.  

Atividade formasaun ne’e hetan apoiu finanseiru husi UNICEF nomos superviziona husi MJDAK, hodi hetan apoiu teknika husi CCYC hodi fasilita formasaun ne’e ba membru sira husi ONG BA FUTURU nian. #MediaMjdak#