DILI, 25 Jullu 2025 – Reuniaun Diretór-Jerál Juventude no Desportu husi nasaun membru Komunidade ba País Lian Portugés (CPLP) kontinua ona ohin loron, nu’udar parte integrál iha preparasaun ba Konferénsia Ministru Juventude no Desportu CPLP (CMJD-CPLP) nian.

Reuniaun ne’ebé hala’o iha Hotel JL World husi tuku 09:00 to'o 13:00 OTL ne’e foka ba diskusaun estratéjika kona-ba:

• Harmonizasaun Polítika: Atu  harmoniza polítika juventude no desportu entre nasaun membru sira.
• Kooperasaun Fortifikada: Reforsa kooperasaun tékniku no programátiku ba inisiativa komún.
• Koordenasaun Desportiva: Koordenasaun ba programasaun desportiva CPLP nian, liuliu ba Jogos Desportivos.

Atmosfera iha reuniaun ne’e marka ho espíritu kolaborativu no kompromisu ne'ebé boot hodi dezenvolve juventude no desportu iha espasu lusófonu nian.

Rezultadu husi enkontru ne'e sei lori hodi aprezenta no hetan aprovasaun iha reuniaun nivel Ministru sira nian iha loron 27 Jullu 2025.

#MídiaMJDAK