DILI, 22 juilu 2026, GKI—Jogu final Primeiru Divizaun Liga Futebola Timorense (I DLFT), iha Stadiun Munisipal Dili, rezulta Klubu AD-SLB (Sport Laulara Benfica) sai Kampiaun, hafoin halakon Aitana FC ho skor 3-0.

Maske Aitana FC, lakon jogus maibe ambiente jogu durante minute 90, lao ho kontra atake malu maka’as. Ambiente jogus final entre Klubu Futebola rua ne’e, anima supporter sira hodi fo aplaus sportivu ho slogan oi-oin.

Ministru Juventude Desportu arte no Kultura, Nelyo Isaac Sarmento (NIS) ne’ebe asiste direta jogu final konsidera,  jogu atmosferu ne'e, AD-SLB Laulara ho 25 pontus hodi sai vensedor ba primeira divizaun liga futebola Timor-Leste nian.

Ambiente Liga Futebola Timorense, tuir NIS, diferente ituan tanba ninia tempu lalais. Tanba ne’e, NIS hatutan, saida mak presiza  halo mak  avaliasaun ida hodi sukat no identifika problemas sira balun, depois kontinua  liga ho buat ne'ebé normal fila fali mai tradisaun orijen liga nian.

Governu, liu husi MJDAK, fo responsabilidade ba Orgaun Liga Futebola, hodi organiza epoka jogus ho diak no kontunia jogus sira iha futuru para hamosu fini jogadores RDTL nian.  

Ministru MJDAK, husi hela mensajen, “Hau komprende kondisaun klube sira hotu nian mesmo ita organiza liga ho tempu ne'ebé kurtu. Maibe hanoin katak klube sira nafatin organiza fo nafatin oportunidades ba jogador sira halo treina nafatin. Tanba ita lakoi halo kompetisaun ne'e demora liu, sei kontinua nafatin espera tinan ida mai agora dadaun ne'e ita hala'o liga ho diak liutan.”  #MediaMJDAK