DILI, 27 Agostu 2025 – Ministériu Juventude, Desportu, Arte no Kultura (MJDAK), liuhosi nia ekipa juri, ohin hala'o enkontru kordenasaun ida ho joven na'in-neen (6) ne'ebé selesionadu ona hosi kandidatu hamutuk 52, atu partisipa iha Programa Ship for Southeast Asian and Japanese Youth Program (SSEAYP) 2026.

Enkontru ne'e ho objetivu atu fahe informasaun detallu no fó orientasaun finál ba joven sira ne'e.

Knaar Nu'udar Embaixadór Juventude

Diretór Nasionál Dezenvolvimentu Juventude, Sr. Firmino Dias Quintas, esplika katak programa SSEAYP 2026 sei halibur hamutuk joven na'in-187 husi Sudeste Aziátiku ho Japaun. Atividade ne'e sei foka ba interkámbiu kultura, vizita estudu, no diskusaun sira kona-ba dezenvolvimentu juventude.

Husi parte Diretór Nasionál Asosiativizmu Juventude, Sr. Mario Tilman, fó reforsa ba kandidatu sira atu:

"Prepara aan ho di'ak atu bele reprezenta nasaun ho másimu no sai referénsia ba joven sira seluk."

MJDAK hato'o parabéns boot ba joven na'in-neen (6) ne'ebé selesionadu ona. Sira nu'udar embaixadór di'ak ba Timor-Leste, no Governu fó apoiu tomak ba sira-nia viajen iha tinan oin hodi lori esperiénsia no valór importante ba dezenvolvimentu juventude nasionál.

#MídiaMJDAK