DÍLI, 22 Jullu 2025 – Partida intensa entre selesaun joven U-16 husi Portugal no Angola remata ho rezultadu impata 0-0, iha kompetisaun XII Jogos Desportivos CPLP 2025 ne’ebé hala’o ohin iha Estadiu Munisipál Díli.

Durante jogu tomak, ekipa rua hatudu sira-nia esforsu maka’as hodi kria oportunidade atu hatama golu. Maibé, liña defeza forte husi ekipa rua no performanse di’ak husi guarda-redes sira halo jogu remata ho scorezero-zero.

Defeza no Taktika Efisiente

Rezultadu ne’e hatudu katak ekipa rua iha nível balansu no iha kapasidade defeza ne’ebé efisiente tebes, hodi neutraliza malu nia atake. Jogu ne’e sai nu’udar duelu táktiku ne’ebé hamosu pontu ida ba kada ekipa.

Pontu ida ne’e fó vantajen ba Portugal no Angola hodi aumenta sira-nia klasifikasaun no mantein sira-nia pozisaun iha topu grupu nian.

Jogu futebol sira seluk sei kontinua iha loron tuirmai, ho ekipa sira ne’ebé buka manán hodi asegura fatin iha faze tuirmai.

#MídiaMJDAK