DILI, 07 Agostu 2026, GKI---Atu partisipa iha kompetisaun jogus desportu internasional Asian Games (AG) Aichi Nagoya, Japaun 2026 nian, treinadores no atletas nasional Timir Lorosae nian hetan ona formasaun konaba Anti Dopping husi official MJDAK iha Lecidere, Dili.

Kery Pither Galhos nudar  fasilitador MJDAK nian mak fo formasaun  Anti Dopping ba trenadores no atletas modalidades desportu ne’ebe sei partisipa iha kompetisaun desportu internasional Nagoya, Japaun. Maibe, treinadores no atletas tenki iha sertifikadu Anti Doping nudar kriteria ida.

Sekretáriu Ezekutivu Komisaun Nasionál Desportu (KND), João M. Rodrigues  informa ba Media MJDAK,  objetivu husi formasaun ne’e hanesan rekezitus importante ida oinsá atleta no treinadór sira iha kuñesimentu no hetan sertifikadu Anti Doping hodi provas atu bele partisipa kompetisaun iha internasionál.

“Ba federasaun hotu-hotu atu ba partisipa iha eventu olimpiku internasionál sempre hetan formasaun anti dopazen tanba Timor-Leste seidauk iha Nasionál Anti Dpoing tanba ne’e mak Komisaun Nasionál Desportu (KND) mak responsabiliza ba iha dopazen nian ita halo formasaun depois  ramata ita atribui sertifikadu prova katak ema ne’e livre ona husi doping atu bele partisipa iha Asian Games Japaun tinan ida ne’e,”  João Rodrigues esplika.

Tuir Joao,  wainhira ba iha rai liur mós ekipa anti doping iha ne’ebá sempre akompña nafatin atleta sira liu-liu atu haree ba iha manipulasaun pezu no grau atleta nian inklui atleta ne’e kompete iha numeru hira no Timor-Leste maske seidauk komete iha kazu manipulasaun sira maibé liu husi formasaun ne’e oinsá atu hasa’e kuñesimentu atleta no treinadór sira nian hodi la bele mosu problema wainhira ba kompete iha rai liur. Tanba identifika atleta balu komete dopin ka manipulasaun mak sei hetan sansaun no hapara labele partisipa kompetisaun durante tinan haat (4) no mós oinsá mak bele promove jogu durante kompetisaun.  #MédiaMjdak