DILI, 28 Setembru 2026, GKI-- Ministru Juventude, Desportu, Arte no Kultura,  Nelyo Isaac Sarmento (NIS), akompaña husi Xefe Gabinete Egas Barros Guterres Godinho no Assessor Gil da Costa simu vizita kortezia husi Embaixadora Foun  Singapura  iha  Timor-Leste,  Teo Lay Cheng.

Reuniaun kortezia ho Embaixadora Foun  Singapura  iha  Timor-Leste  Teo Lay Cheng, ne’e,  realiza iha eskritóriu Ministru MJDAK, Lesidere, Dili. 

Iha enkontru  kortezia ne'e embaixorda rona husi Ministru kona-ba inisiativa sira governu Timor-Leste iha areas juventude no desportu. No esplora mos oportunidades ba Singapura ho Timor-Leste hodi bele servisu hamutuk hodi dezenvolve Desportu no Juventude iha rai laran, liu-liu halo  kooperasaun oinsa mak Singapura bele ajuda no apoiu hodi dezenvolve literasi digital ba juventude sira, formasaun ba treinador desportivo sira, no programa interkabiu juventude rai rua.

Embaixadora Singapura,Teo Lay Chang, mos  konvida Timor-Leste atu partisipa iha Festival Chingay ne'ebé sei hala'o iha fulan Fevereiru  2027.  Partisipasaun Timor-Leste iha festival ne'e bele hametin laxu amizade entre povu Singapura ho Timor-Leste, liu-liu entre juventude sira.  #MediaMjdak#