Dili,  10 Jullu 2026, GKI, Ministru Juventude Desportu Arte no Kultura, Nelyo Isaac Sarmento (NIS) konsidera, jogus desportu laos kria inimigu maibe hametin liu tan lasu amizade entre atletas no komunidades. Tanba ne’e, Ministru husu ba atletas Basketball sira hodi hametin unidade nudar maun-alin liu husi jogus Liga Nasional Basketbal Timor Leste iha Ginaziu Desportu Dili (GDD).

“Desportu laos meiu atu halo inimigu, maibé ponte ba amizade forte,” Ministru NIS afirma iha abertura Liga Nasional Basketball Timor Leste, iha GDDD, Sesta (10/7).  NIS husu ba atletas sira katak objetivu jogus laos buka manan no lakon deit maibe oinsa atletas sira hatudu tekniku jogus iha kampo laran. Nune’e, tuir NIS, bele dada labarik sira hodi joga basket no ikus sai jogador diak iha nivel internasional hodi hamorin naran RDTL iha mundu.

"Oportunidade ida ne’e mak oferese ba imi atu prepara kapasidade. Joga ho diak, fahe esperensia, no hatudu katak atleta Timor oan iha kualidade," NIS esperansa hodi  fó apoiu boot ba jogador sira no husu ba federasaun atu prepara mata dalan ba SEA Games 2027 iha Malasia.  

#MidiaMjdak