DILI, 18 Setembru 2026,  GKI--Sekretáriu Estadu Arte no Kultura (SEAK),  Jorge Soares Cristovão abertura seminar annual konaba direitu autor ho tema Promove Konsiensializasaun, Protesaun no Respeitu ba Direitu Autor Artistiku .

Objetivu seminar ne’e, tuir Jorge, hodi implementa  Lei no.14/2022, konaba  direitu autor artistiku sira nian. Nune’e,  iha futuru atu proteze artista sira fo mos vantazen ne'ebe maka diak hodi rekonese nafatin obra artistiku sira ne'ebe maka iha Timor Leste.

Atividade seminar ne'e, realiza iha Salaun uma Nahe Biti-Boot, MJDAK,  Lesidere, Dili. 

Tuir Jorge, atividade seminar ne’e realiza ho servisu hamutuk ho ITC ne'ebe maka hetan apoiu husi Uniao Europeia. Partisipantes iha seminar ne’e, mai husi  reprezentante organizasaun asosiassun musik,  arte no akademista  husi universidade.

Materia seminar ne’e mak Promove Konsiensializasaun, Protesaun no Respeitu ba Direitu Autor Artistiku, hodi halo diskusaun no rona mos hanoin sira husi asosiassun no mos grupo arte sira hotu. No hare ba Timor Leste nia adezaun ba organizasaun internasional sira hodi  ajusta tuir padraun internasional nian. 

Tuir Jorge,  presiza rona mos  hanoin husi tribunal konaba dekretu implementassun lei ne'e   ba futuru hus. Tanba lei hateten, liu husi MJDAK sei kria mos sekretariadu ida ba halo jestaun implementassun   direitu autor nian.

Tanba ne’e, Jorge hatutan,  presiza dekretu lei ida ba implementassun lei ne’e. No seminar  ne’e hahu husi nivel nasional  no sei kontinua ba nivel regional hodi konvida artista sira husi munisipiu hodi rona mos sira Nia hanoin.

 Jorge espera,   bele hetan input diak husi seminar ne'e, kontinua rona hanoin sira mai husi kolega  ne'ebe iha talentu konaba musika, arte.  Jorge hatutan,  laos ajusta iha nivel regional maibe iha padraun internasional nian. Tanba, dalaruma ema kritika artista balun husi fronteira kover musika la tuir obra original nian. 

Tamba ne'e, tuir Jorge  presiza ajusta regras sira ne'e  ho dekretu lei ne'ebe ita atu halo ba futuru bele kobre ga lae.   Ba oin,  MJDAK  servisu hamutuk ho Ministerio Comercio Industria atu hatur regulamentu hodi fo sansaun ba sidadaun balun  ne'ebe halo tais no imprimi foti husi obra ita nia inan sira nian.

Iha seminar ne'e hetan partisipa maximu husi funusionariu SEAK no mos estudantes UNTL, UNITAL, IOB, UNPAZ, DIT, UNDIL,  grupo sangar Santo Antonio no Lezeval.

Nune’e bele  hasa’e konsiensializasaun públiku kona-ba importánsia Direitu Autor, promove protesaun ba obra no kriasaun intelektuál, no hametin respeitu ba direitu husi autór no kriadór sira, tuir lei ne’ebé vigora iha Timor-Leste.

Semináriu ne’e mos pretende atu fahe koñesimentu, sensibiliza komunidade no promove responsabilidade iha utilizasaun no reprodusaun obra kreativa sira. #MediaMjdac#