DÍLI, 23 Juñu 2026 (GCI-MJDAK) — Diresaun Jerál Servisu Korporativu (DJSK), reprezenta Ministériu Juventude, Desportu, Arte no Kultura (MJDAK), hato'o kondolénsia kle'an ba Sua Eselénsia Dionísio Babo Soares, Embaixador no Reprezentante Permanente Repúblika Demokrátika Timor-Leste ba Organizasaun Nasoins Unidas (ONU), iha Nova Iorke, tanba falesimentu nia inan iha nia rezidénsia.

Dirijente sira MJDAK liuhusi DJSK hato'o mensajen solidariedade no kondolénsia ba Embaixador Babo Soares no família boot iha momentu susar ida-ne'e.

"Kondolénsia kle'an ba Embaixador no família boot. Ami-nia orasaun hamutuk ho Ita-boot sira iha momentu difísil ida-ne'e," dehan DJSK-MJDAK.

MJDAK mós orasaun atu Maromak simu inan saudoza ne'e iha Ninia reino glória no fó hakmatek nafatin ba ninia klamar.

Lao ho hakmatek, Inan Doben.