COVALIMA, 6 Outubru 2025 – Modalidade haat (4) hosi eventu boot Fronteira Cup 2025 realiza ona Technical Meeting hodi finaliza oráriu jogu nian. Reuniaun ne’e hala’o iha Sentru Juventude Covalima no hetan partisipasaun hosi kontijente Munisípiu Bobonaru no Rejiaun Administrativa Espesiál Oé-Cusse Ambeno (RAEOA).

Oráriu Jogu no Modalidade Komunitária

Prezidente Interinu Komisaun Desportiva Timor-Leste Munisípiu Covalima (CDTL), Almerio Gusmão, hatete enkontru ohin nian importante tebes atu kada Munisípiu bele hatene oráriu jogu ba modalidade ne'ebé sei kompete.

Modalidade sira ne'ebé sei kompete iha Fronteira Cup iha Covalima mak hanesan:

·       Futebol

·       Voleibola

·       Basketball

·       Futsal

·       Atletizmu

·       Corrida Cavalhu

Fronteira Cup Nudár Jogu Amizade

Almerio Gusmão salienta katak Fronteira Cup 2025 iha Covalima iha karáter ne'ebé la'ós kompetitivumaibé nu'udar "Desportu Komunitária" hodi kria amizade.

"Ida-ne'e nia karáter Amigavel hodi harame Munisípiu Covalima liu husi Festival Fronteira Cup ne'e. Joga amigável, respeita regras futebol nian, respeita malu entre jogadór ho jogadór, atu nune'e labele hamosu dezentendimentu inklui adeptu sira hotu," nia esplika.

Abertura ba modalidade Futebol nian sei hahú ho jogu entre ekipa Futebol Covalima A vs Covalima D, ne'ebé sei harame iha Kampu Futebol Salele.

#MídiaMJDAK