DILI, 18 Jullu 2025 – Delegasaun desportiva husi Portugál hahú ona sira-nia sesaun akesimentu intensiva iha Dili hodi prepara ba kompetisaun iha XII Jogos Desportivos da CPLP 2025. Preparasaun ida-ne’e demonstra sira-nia prontidaun no dedikasaun másima antes sira tama ba kompetisaun.

Treinamentu ne’e hala’o iha fatin desportivu oioin iha Dili, bazeia ba modalidade idak-idak. Fatin akesimentu inklui:

• Basketbol 3x3: Kampu MJDAK, Lecidere
• Futebol: Kampu Becora
• Karate no Taekwondo: Ginásiu Dili (GDD)
• Ténis de Kampu: Kampus UNTL
• Voleibol Praia: Kampu Voleibol Praia Lecidere
• Atletismu (Salto Komprimentu & Lansamentu Pesu): Estadiu Munisipál Dili

Enerjia no dedikasaun husi atleta sira-ne’e la’ós de’it hatudu sira-nia kompromisu ba modalidade, maibé mós fó kontribuisaun ba hamoos ambiente desportivu no selebrasaun iha sidade Dili. Ho preparasaun ne'ebé maka'as no kompletu, espera katak partisipasaun atleta Portugál nian sei eleva kualidade kompetisaun no lori rezultadu di'ak ba sira-nia nasaun iha Jogos CPLP ne’e.

#MídiaMJDAK