DILI, 6 Agostu 2025 – Ministériu Juventude, Desportu, Arte no Kultura (MJDAK), liuhosi Diretór-Jerál Juventude, Sr. David Tomás de Deus, ohin anunsia programa ofisiál ba selebrasaun Loron Internasionál Juventude 2025 nian. Selebrasaun ne'e sei la'o ho tema sentrál: "Asaun Juventude Lokál ba Atinjimentu Objetivu Dezenvolvimentu Sustentável iha Timor-Leste."

Diretór-Jerál Juventude, Sr. David Tomás de Deus, hatete katak selebrasaun ida-ne'e serve nu'udar plataforma atu fó espasu ba joven sira:

“Selebrasaun ida-ne’e sai plataforma ba joven sira atu hatudu sira-nia hanoin, lideransa no kompromisu ba futuru Timor-Leste nian, liuliu iha atinjimentu Objetivu Dezenvolvimentu Sustentável (ODS)."

Agenda Atividade Sira

Programa ne'e planeia atu hala'o atividade importante sira ne'ebé sei hahú iha loron 8 to'o 12 Agostu:

Aleinde ne'e, sei iha mós atividade sira hanesan feira no kuiz hodi enkoraja partisipasaun no interasaun entre joven sira.

Parseria Dezenvolvimentu no Partisipasaun Nasionál

MJDAK realsa katak atividade sira ne'e la'o ho suporta fundu total USD 20,000, ne'ebé mai husi kontribuisaun parseiru dezenvolvimentu sira hanesan UNFPA, UNICEF, World Vision, Child Fund, no Plan Internasionál.

Selebrasaun ne'e sei hetan partisipasaun ativu husi joven sira husi munisípiu sira seluk, inklui Baucau, Aileu, no Bobonaru, hodi garante katak perspetiva no kontribuisaun joven sira nian mai husi nível lokál iha rai-laran tomak.

MJDAK konvida joven sira hotu ho tema: "Hau-nia Aksaun, Hau-nia Futuru," hodi partisipa ativamente no kontribui ba dezenvolvimentu nasaun.

#MídiaMJDAK