DILI, 21 Juilu 2026, GKI—Eventu jogus boxing professional iha Bali, Indonesia nudar oportunidade positive ba boxista Timor Oan hodi hasae prestasaun iha klase professional. Tanba ne’e, objetivu boxista timor oan nain nen (6) ba kompete iha eventus boxing professional ho boxista Indonesia, laos buka manan deit maibe buka aprende diak liu tan esperiensia.

Ministru Juventude Desportu Arte no Kultura, Nelyo Isaac Sarmento (NIS) apela ba boxista nain nen, iha seremonia despedida iha Salaun Magna MJDAK, Lesidere, Dili, Tersa (21/7).  

NIS espera, boxista timor oan nain nen, bele hetan prestassun   hanesan dalan Ida hodi loke tan espasu iha nivel  profesional iha futuru. “Nudar Ministru apoiu moral ba boxista nain ne'en  durante partisipasaun iha Bali. Boxista sira fila mai Ita sei hamutuk ho organizasoens boxing amadora, promotor boxing lokal nia hodi realiza eventu boxing prestizu Timor Leste nia iha oportunidade bele konvida boxista internasional sira bele  partisipa,” NIS informa.  

Boxista timor oan nain nen ne’e, kompostu husi El-Matador Boxing Club, Revolta Boxing Club, Bidau Oriental Boxing Club, Tomas Americo Boxing Club. Boxista sira ne’e, hetan apoiu finansial husi Promotor Revolta.  Boxista sira sei joga iha klase diferente tuir boxing professional nian.

Eventu boxing professional ne’e, organiza husi  boxista profisional Indonesia no Timor Leste hodi realiza jogus kompetisaun iha Kapital Propinsia Bali, Indonesia, sei hahu iha loron 26 Juilu 2026. #MediaMjdac