Dili, 18 Setembru 2026, GKI---Ministériu Juventude, Desportu Arte no Kultura (MJDAK), liu husi Diresaun Nasionál Dezenvolvimentu Juventude (DNDJ) realiza teste eskrita ba kandidatura foinsae timor oan  sira ne’ebé atu partsipa  Programa Ship for Southeast Asian and Japanese Youth Program (SSYEAP) iha Japaun.

Atividades teste eskrita ne’e halao iha salaun formasaun Sentru Juventude Comoro (Child Youth Center (CCYC) Dili, Timor-Leste. Rezultadu husi selesaun teste ba foinsae sira ne’e, foinsae selesionadu nain ruan ulu (20) mak sei reprezenta Nasaun RDTL hodi halao atividades ho Ro Nippon lao vizita ba membrus nasaun ASEAN sira.

Hafoin Restaura Ukun Rasik An 20 Maiu 2002, reprezentante foinsae Timor Leste partisipa iha Programa Ship for Southeast Asian and Japanese Youth Program (SSYEAP), ba da-tolu, hahu tinan 2024, 2025 no 2027. Iha tinan 2024, foinsae nain 3, 2025 nain 6 no 2027 nain 20. Programa SSYEAP 2026 nudar atividades ba da-60, ne’ebe Gubernu Japaun nudar organizador.

Diretór Jerál Juventude (DJJ) MJDAK, Mario Tilman hatete, objetivu husi atividade teste ba foinsae  ne’e, nudar  programa annual atividades internasional ida ne’ebé tama iha Diresaun Nasionál Dezenvolvimentu nia planu.

“Objetivu mak atu hametin relasaun koperasaun entre nasaun membru Asean sira no mós atu bele espresa potensialidade kada pais membru nian. Manan esperiensia husi joven nasaun seluk no sira fila mai, governu liu husi ministeriu iha responsabilidade no planeia oinsa organiza atu joven sira ne’ebé konsege ba partisipa  atividade iha rai liur hodi  bele fahe saida mak sira aprende no hetan ba maluk joven sira seluk,” dehan Mario Tilman

Governu, liu husi MJDAK hala’o selesaun ida ho nia prosesu liu husi avizu joven hotu mai konkore  interesante loos, maibe tuir Mario,  presiza foinsae selesionadu nain  20 pesoas.  Maibé rezultadu husi anunsia publiku, Mario observa, joven barak mak mai konkore iha prosesu teste.

Signifika Maria hatutan, joven sira iha ona interese maka’as ba iha asuntu Asean no sira intende ona benefisiu tama membru Asean ne’e rasik no rekezitus sira mai kedas husi nasaun Japaun ne’ebé mak organiza Programa SSYEAP.

“Rekezitus esensial mak joven ne’ebé iha kuesimentu lian ingles ho di’ak no mós iha area seluk liga ho turizmu, kultura tanba nasaun idak-idak sei aprezenta no esplika potensialidade ne’ebé mak iha nune’e prosesu ida ne’e selektivu duni joven ida ne’ebé mak bele reprezenta nia nasaun hodi ba partisipa Maria esplika.

Partisipa iha atividade teste ne’e mai husi Xefi Departamentu no Staff husi DNDJ-MJDAK no mós ekipa Juri hamutuk ho kandidatu Timor oan sira iha loron primeiru teste.  #MédiaMjdak#