MALAYSIA, 24 Agostu 2026, GKI—Atu reforsa tan kunesementu treinadores desportu iha jogus nivel ASEAN nian, delegasaun Ministeriu Juventude Desportu Arte no Kultura (MJDAK), Timor Lorosae no parseirus partisipa iha Workshop koña-ba Dezenvolvimentu Enkuadramentu Treinadores Desportivas ASEAN 2026.

Workshop  ne’e, hahu realiza husi loron 24-28 Agostu iha Malaysia ne’e, partisipa direta husi Diretur Jeral Desportu (DJD), David Thomas de Deus, Vise 1 Prezidenti CDTL, Jose Caetano Guterres ho Vise Sekretariu Federasaun Voly Timor-Leste, Señor Augusto da Costa Tilman.

Workshop ASEAN-Japan Action on Sport 2026 nee relaliza hodi kontribui ba dezenvolvimentu treinadores desportivas ASEAN nian.

Objetivu husi workshop nee mak atu dezenvolve enkuadramentu treinadores desportivas ba ASEAN. Nune mos atu hametin liután kapasidade no kualifikasaun rekursu umanu desportivu iha nivel rejionál, Reforsa Kuñesimentu, Atualiza matria no métodu treinamentu desportivas tuir padraun internasionál.

“Rezultadu esperadus husi Workshop nee mak enkoraza membru ASEAN sira hodi dezenvolve no hala,o planu asaun ba dezenvolvimentu enkuadramentu treinadores desportivas tuir kontextu nasaun membru ida-idak nian,” DJD, David argumenta ba MediaMJDAK via WA ofisial. #Mediamjdak#