DILI, 28 Jullu 2025 – Ministériu Juventude, Desportu, Arte no Kultura (MJDAK), liuhosi ninia lideransa, ohin hato'o agradesimentu hosi laran tomak ba atleta no treinadór sira husi Seleksaun Nasionál Timor-Leste nian. Atividade ne'e hala'o iha Hotel Ramelau Ai-Mutin, nu'udar rekoñesimentu ba kontribuisaun boot sira-nian durante XII Jogos Desportivos CPLP 2025, ne'ebé Timor-Leste sai nu'udar uma-na'in.

Xefe Gabinete MJDAK, Sr. Egas Barros Guterres Godinho, hamutuk ho Diretór-Jerál Desportu, Sr. João M. Rodrigues, no Inspetór, Sr. João dos Santos, hatudu orgullu Governu nian ba performa atleta sira-nian.

"MJDAK sente orgullu no agradese tebes ba atleta no treinadór sira ne'ebé hatudu duni jogu di'ak tebes. Maske la sai vensedór dahuluk, ita konsege rekolla medalla hamutuk 19," dehan Xefe Gabinete, Sr. Egas Barros.

Rekordu Medalla Nasionál

Susesu ne'e hanesan rezultadu signifikativu ba Timor-Leste nu'udar nasaun foun iha organizasaun eventu desportivu internasionál, ho rezultadu finál hanesan tuir mai:

Sr. Egas Barros hatutan katak rezultadu ne'e orgullu boot ba nasaun nu'udar uma-na'in. Nia husu atu atleta sira kontinua treinu no hatudu disiplina atu bele hetan rezultadu di'ak liután iha eventu futuru internasionál sira.

MJDAK hato'o obrigadu ba dedikasaun no espíritu desportivu husi atleta no treinadór sira, ne'ebé reprezenta di'ak ona Timor-Leste iha Komunidade País ho Lian Portugés (CPLP).

#MídiaMJDAK