DILI, 16 Jullu 2026, GKI--- Ministru Juventude, Desportu, Arte no Kultura (MJDAK),  Nelyo Isaac Sarmento, partisipa iha reuniaun dahuluk  interministeriál ba komite ezekutivu Chairship National Organizing Council (ACNOC) 2029, hodi halo koordenasaun ba preparasaun Nasaun Timor-Leste nudar presidensia ASEAN.

Sorumutu nee halao iha Edifisiu Ministériu Negósiu Estranjeiru no Kooperasaun (MNEK), Praia dos Coqueiros, Dili, Kinta (16/7), hodi  asegura preparasaun no koordenasaun entre ministériu no instituisaun relevante sira hodi hasae prontidaun Timor-Leste bá partisipa iha enkontru importante sira ASEAN no mekanizmu sira neebé liga ho organizasaun rejionál.

Primeiru-Ministru, Kayrala Xanana Gusmao esperansa,  importánsia servisu hamutuk entre entidade governamentál sira atu garante Timor-Leste bele partisipa ho preparasaun diak, hodi reprezenta interese nasionál no kontribui ativamente iha prosesu integrasaun rejionál.

Primeiru-Ministru Xanana Gusmão haktuir, koalia konaba progresu  preparasaun tanba Timor leste sei assume Presidenti ASEAN 2029. Ministru Negosiu Estranjeiru no Vise Ministra Asuntu ASEAN informa katak preparasaun barak ona lao diak no estabelese ona prazu atu kompleta too fula Dezembru. No koalia mos konaba aprezentasaun planu ida hodi responde ba atividade sira neebe sei halao too 2029.  

PM Xanana bolu atensaun bá ministériu hfotu-hotu atu kontinua halo koordenasaun ho nasaun membru ASEAN sira, liuliu iha implementasaun akordu no kooperasaun iha área ida-idak, atu integra saun Timor-Leste iha ASEAN bele fó benefísiu bá nasaun.

Kontinuasaun sorumutu preparasaun sira nee sei lidera hosi Vise-Ministra Asuntu ASEAN, Milena Rangel, hodi asegura Timor-Leste prepara-an ho diak atu bele asume Prezidénsia ASEAN iha 2029. No kontinua  avalia progresu preparasaun iha área oioin, inklui aspetu tékniku, koordenasaun polítika no lojístika, atu asegura Timor-Leste prontu bá kumpri kompromisu no atividade sira iha kuadru ASEAN.

Governu kontinua demonstra nia kompromisu atu hametin preparasaun nasionál no reforsa koordenasaun interministeriál hodi apoia prosesu integrasaun Timor-Leste bá ASEAN no aumenta benefísiu bá povu no dezenvolvimentu nasaun. #MediaMjdak